USD
ТАЛДЫҚОРҒАН. 20 наурыз. Қытаймен шекараға жақын жерден заңсыз жұмыс істеген тағы бір майнинг фермасы табылды. Бұл туралы ҚазТАГ хабарлады.
«Алматы-I станциясы желілік полиция басқармасының қызметкерлері Құндызды станциясындағы теміржол тұйығы территориясында жедел-іздестіру операциясын жүргізу кезінде майнинг операцияларын жасауға арналған баспана мен жарақ-жабдықтарға кезікті», – деп баяндады көлік полициясы департаментінің баспасөз қызметі.
Департамент бастығы Оңал Бекиевтің айтуынша, көлік полицейлері ғимаратты тексеру нәтижесінде криптовалюта жасайтын майнинг үшін керекті аппараттар мен олардың қосалқы бөлшектеріне керекті қатқыл дискілер тапқан. Олар 130 жәшікке салынған екен.
«Аталмыш факт бойынша сотқа дейінгі тексеру басталып кетті, қажетті тергеу-жедел шаралары қолға алынды», – деді Бекиев.
Атап өтуіміз керек, Құндызды станциясы Алматы облысы Панфилов ауданы аумағында, Қорғас шекаралық бекетінен 25 шақырым қашықтықта орналасқан.
