USD
МӘСКЕУ. 6 маусым. Ресей президенті Владимир Путин украиналық әріптесі, қазіргі соғыс санатындағы басты жауы – Володимир Зеленськийдің хатына барынша қатқыл жауап беріпті. Бұл туралы Minval.az ақпарына сүйенген rast.kz хабарлайды.
Кремльдің көсемі кеше таңертең украин лидерінің ашық хатымен танысқанын айтты. Бірақ оны мұқият ден қойып оқи қоймапты, айтуына қарағанда, менсінбей көз жүгіртіп өте шыққан сияқты.
«Кеше маған баспасөз хатшым Песков хатты көрсетті. Лекін біз Өзбекстан президентімен жұмыс кездесуін өткізіп, кешкі ас ішіп отырдық. Шынымды айтсам, мені оны қарап үлгермедім. Бүгін таңертең Песков тағы да сол қағазды тықпалады. Мен оған көз жүгірте қарап шықтым, сонда да болса», – деді Путин.
Ресей басшысы сонымен қатар Зеленськийдің хатында «дөрекіліктің элементтері» бар екенін атап өтті. «Бұл не? Бұл жеке кездесулер мен келіссөздер өткізуге жағдай жасау тәсілі ме? Немесе жеке кездесулердің өтуі мүлде мүмкін болмайтындай жағдай жасау ма?», – деді ол.
Зеленськийдің мәлімдемесіне түсіндірме бере отырып, Путин ең бастысы жас ерекшелігі емес, қабілеттілік пен жұмыскерлік екенін атап өтті. «Ол, автор онда менің жасым туралы айтыпты. Демек, бұған не деуге болады? Әрине, жас жайында жұрттың бәрі ойлануы тиіс. Бірақ менің жасымдағы және менен де үлкен көптенен саяси қайраткерлер өздерінің қызметтерін атқарып жүр. Ең бастысы – жас емес. Бұл маңызды, Бұл шын мәнінде, сөз жоқ, маңызды нәрсе, бірақ маңыздысы – жас емес, бастысы – қабілеттілік пен жұмыскерлік. Менің бірқатар әріптестерім, тағы қайталап айтайын, менен үлкендері де бар, – жұмысқа жеткілікті күш-қуаттарын арнап жүр, олар мұны жақсы істей ме, нашар істей ме – бұл басқа әңгіме, саяси сипаттағы баға. Бірақ тұтастай алғанда белсенді жұмыс істеп жүр», – деді Путин.
Мұның алдында Украина президенті Володимир Зеленський Ресей лидері Владимир Путиннің мәнзіліне ашық хат жолдап, Киевтің онымен тікелей келіссөз жүргізу арқылы соғысты аяқтауға қол жеткізуге дайын екенін мәлімдеген еді.
Ал бұған Путиннің қайтарған жауабы әлгіндей болып шықты.
