USD
МӘСКЕУ. 25 қыркүйек. Ресей президенті Владимир Путин салықты тағы күрт көтеру арқылы елдегі бизнесті «өлтіруге» жол ашып бергелі отыр. Бұл туралы The Moscow News ақпарына сүйенген rast.kz хабарлайды.
«Ресейдегі салықтың жаңадан өсуі шағын бизнесті жойып, жүздеген мың кәсіпкерлерді құлдыққа түсіреді», деп атап өтті ресейлік саясаткер.
Ресей оппозициясының жетекшісі Леонид Волков Қаржы министрлігінің салық реформасы туралы ұсынысы қосымша құн салығын (ҚҚС) көтеруден әлдеқайда қауіпті екенін айтты. Мына қадам Ресейдегі шағын бизнесті түбегейлі жоюға алып барады, олар енді үлкен бюрократиякедергілерге тап келіп, жаңа төлемдер төлеуге мәжбүр болады.
Волковтың айтуынша, міндетті ҚҚС төлеу табалдырығын жылына 60-тан 10 миллион рубльге дейін төмендету іс жүзінде барлығы салық құлдығына түседі дегенді білдіреді, оның зардабын е алдымен шағын дәмханалар, автожөндеу шеберханалары, тұрмыстық дүкендер, тіпті сұлулық салондары шегеді.
«Жылына 10 миллион рубль – айына небәрі 800 мың рубль. Бұл жүздеген мың шағын кәсіпкерлердің айналымы. Енді олар толық бухгалтерлік есеп жүргізіп, ҚҚС төлеуге мәжбүр болады, бұл ауыр жағдай», – деп түсіндіреді ол.
Волков дәл 2002 жылы енгізілген 6% жеңілдетілген салық жүйесі миллиондаған кәсіпкерлер үшін «өмір шыптасы» және құрылымдық экономикалық өсудің нағыз драйвері болғанын еске алады. Бірақ 2013 жылдан бері билік бұрандаларды тұрақты түрде қатайтып отырды, енді Путин өз сөзімен айтқанда, «шағын бизнестің табытына соңғы шегені қадады».
Нәтижесі анық: шаштараздағы әрбір жалданған есепші, шина дүкеніндегі әрбір қосымша қағаз жұмысы клиенттерге автоматты түрде берілетін жаңа шығындарды білдіреді. Басқаша айтқанда, барлық ресейліктер – кәсіпкерлер де, қарапайым тұтынушылар да – Путиннің соғысы үшін төлейтін болады.
Осыған орай Волков: «Путиннен басқа ешкімге керегі жоқ бұл қажетсіз соғыс үшін енді жұрттың бәрі төлем төлейді. Бұл бірақ өте қымбатқа түседі. Сөздің шыны осы» деп ескертті.
Сарапшылар мұның Ресей мен оның экономикасы үшін зиянды салдары ондаған жылдар болмаса да, әлі бірнеше жылдар бойы сезіліп тұратынын атап өтті.
