USD
АСТАНА. 30 мамыр. Ресей президенті Владимир Путин Астанада өткен ЕАЭО саммитінде Армения алған бетінен қайтпаса, оған қойылатын тарифтердің күрт өсетінін айтты. Бұл туралы The Moscow Times ақпарына сүйенген rast.kz хабарлайды.
«Егер Армения ЕАЭО-дан шықса, ол үшін теміржол тасымалы мен энергия тасымалдаушыларға тарифтер көтеріледі», деп мәлімдеді Путин. Сонымен қатар, армян азаматтары Ресейде жұмыс істеуге патенттер алуы керек.
Ресей президенті Владимир Путин егер ол Еуразиялық экономикалық одақпен (ЕАЭО) қарым-қатынасты үзсе, Арменияны түрлі тарифтердің көтерілуімен қорқытты.
«Егер Армения Еуропа одағының стандарттарына көшуді бастаса, біз онымен барлық экономикалық интеграцияны қысқартамыз. Олар сонда өз өнімдерін кімге жеткізеді, армян шарабы қайда барады?», – деді Путин 29 мамыр, жұма күні Астанада өткен ЕАЭО саммитінің қорытындысы бойынша өткен баспасөз мәслихатында.
«Олар үшін теміржол тасымалына тарифтерді көтеруге тура келеді. Энергия бағасын көтеруге тура келеді», – деді ол.
Сонымен қатар, Армения азаматтары Ресейде жұмыс істеуге патент алуға мәжбүр болады, деп атап өтті Ресей президенті. Путин осы жерде Арменияның ниетінен Украинамен қарым-қатынасқа параллель ұқсастық іздеді. Оның айтуынша, Украинадағы дағдарыс бір кездері Киевтің ЕО-ға кіру әрекетінен басталған. Ол Еуразия одағы Армениядан мүмкіндігінше ертерек «мүшелік өту туралы референдум өткізуді» сұрайтынын мәлімдеді.
Сол күні ЕАЭО-ға қатысушы елдердің көшбасшылары қабылдаған бірлескен мәлімдемеде Армениядан Еуропа одағына кіру мен ЕАЭО-ға мүшелікті сақтау арасындағы таңдау жөнінде референдум өткізу талап етілді. ЕАЭО-ға Ресей мен Армениядан басқа Беларусь, Қазақстан және Қырғызстан кіреді.
Астанада өткен баспасөз мәслихатында Путин Ресейдің ЕО-ға қарсы соғысты дайындауы туралы Еуропа одағының мәлімдемесін «алдау және өтірік» деп атады. Бұл туралы хабарлаған бұқаралық ақпарат құралдары оны «жаппай алдау құралы» деп сипаттады және мысал ретінде «өтірік неғұрлым керемет болса, соғұрлым тезірек сенеді» деген сөйлемді келтіріп, оны «Үшінші рейхтің» халықтық ағарту және насихаттау министрі Йозеф Геббельске жатқыза салды.
Шын мәнінде «Бұл мырзалар неғұрлым зұлымдырақ өтірік айтсаң, соғұрлым саған көбірек сенетіні жөніндегі дұрыс пайымның өресінен шығып отыр» деген пассажды фашистік Германияның фюрері Адольф Гитлер өзінің 1925-1926 жылы жарық көрген «Mein Kampf» («Майн Кампф») деген кітабында жазған. Ал Геббельс мұндай мазмұндағы сөз сорабын ешқашан айтып көрген емес.
