Президент Құрылтайдың бірінші сессиясын 28 тамызда өткізуге Жарлық шығарды

АСТАНА. 26 тамыз. Мемлекет басшысы Қасым-Жомарт Тоқаев «Бірінші шақырылымдағы Қазақстан Республикасы Құрылтайының бірінші сессиясын шақыру туралы» Жарлыққа қол қойды. Бұл туралы Ақорда ақпарына сүйенген rast.kz хабарлайды.

Президент Жарлығына сәйкес бірінші шақырылымдағы Қазақстан Республикасы Құрылтайының бірінші сессиясы 2026 жылғы 28 тамызда сағат 11-дe Астана қаласында өтеді.

Айта кету керек, Құрылтай сайлауына 9,3 млн адам қатысты, бұл референдумдағыдан 224 мыңға көп.

Құрылтай депутаттарына куәліктер партиялар мандаттарды кандидаттар арасында бөліп, тиісті мәліметтерді Орталық сайлау комиссиясына ұсынғаннан кейін тапсырылады.