USD
АСТАНА. 3 қыркүйек. Мемлекет басшысы Қасым-Жомарт Тоқаев бүгін, 3 қыркүйек күні Нұрлыбек Нәлібаевты Премьер-Министрдің бірінші орынбасары етіп қайта тағайындау жөніндегі Жарлыққа қол қойды. Бұл туралы Ақорда баспасөз қызметінің дерегіне сүйенген rast.kz хабарлайды.
«Мемлекет басшысының Жарлығымен Нұрлыбек Машбекұлы Нәлібаев Қазақстан Республикасы Премьер-Министрінің бірінші орынбасары лауазымына тағайындалды», – делінген Ақорданың Telegram арнасында жарияланған ресми ақпаратта.
Нұрлыбек Машбекұлы Нәлібаев 1976 жылы 13 қазанда Қызылорда облысы Жаңақорған ауданында туған. Қазақстандық саясаткер, экономист, заңгер.
Қазақ мемлекеттік аграрлық университетін «Экономика және менеджмент» мамандығы бойынша (1997), Қызылорда гуманитарлық заң университетін «Заң ғылымы» мамандығы бойынша бітірген (2003).
Қызмет жолдары:
– 1997 жылдан «Қазақойл-коммерция» ЖШС мұнай өндіру бойынша сарапшысы,
– 1998 жылдан «Бұлақ» ЖШС директорының орынбасары,
– 1999 жылдан «Стандарт Ойл Бейс» ЖШС директоры,
– 2001 жылы наурыздан «Стандарт Ойл» ЖШС директорыы
– 2001 жылы кыркүйектен «Станлаот Ойл Трейдинг» ЖШС директоры.
– 2002 жылдан «Харрикейн Ойл Продактс» ЖАҚ Қызылорда филиалының директоры,
– 2002 жылы қазаннан «Қызылорда Мұнай Сервис» ЖШС бас директоры,
– 2005 жылы тамызднан Қызылорда қаласы әкімінің орынбасары, қала әкімінің міндетін уақытша атқарушы,
– 2005 жылы қазаннан Қызылорда қаласы әкімінің орынбасары,
– 2007 жылын Қызылорда облысы әкімі аппаратының жетекшісі,
– 2008 жылдан Шиелі ауданының әкімі,
– 2013-2021 жылдары Қызылорда қаласының әкімі,
– 2021 жылғы 1 сәуірден Премьер-Министр Кеңсесі өңірлік даму бөлімінің меңгерушісі,
– 2022 жылғы 7 сәуірден Қызылорда облысының әкімі,
– 2026 жылғы 6 мамырдан Премьер-Министрдің бірінші орынбасары.
«Құрмет» орденімен (2011), «Парасат» орденімен (2016) марапатталған. Қазақстанның құрметті құрылысшысы.
