USD
ЕРЕВАН. 11 мамыр. Армения премьер-министрі Никол Пашинян мамыр айының соңында Астанада өткелі тұрған Еуразия экономикалық одағы саммитіне қатыса алмайтынын мәлімдеді. Бұл туралы News.am ақпарына сүйенген rast.kz хабарлайды.
Пашинян Путиннің Арменияның Украинаға арнаған сценарийі туралы мәлімдемесіне жауап бергеннен кейін ЕАЭО саммитіне барудан бас тартты.
Хайастан премьер-министрі Никол Пашинян 28-29 мамырда Астанада өтетін ЕАЭО саммитіне өзінің орынбасары Мгер Григорянды жібереді.
«Мен бұл туралы Ресей президентіне сәуір айында Ресей Федерациясына сапары кезінде айттым. Мен сондай-ақ Қазақстан президентіне өз шешімім жөнінде хабардар еттім», – деді Пашинянның өзі дүйсенбіде.
Армения премьер-министрі 7 маусымда өтетін парламент сайлауы алдындағы науқанға және 28 мамырда жоспарланған әскери шеруге байланысты саммитке қатыса алмайтынын түсіндірді.
Бұдан екі күн алдын, Мәскеуде, армян премьері қатыспай қалған Жеңіс парады өткеннен кейін, диктатор Владимир Путин бұлайша РФ-дан біртіндеп «шеттеп қала беруші» республикаларға қатысты қатқыл мәлімдеме жасаған еді. Ол Ереванға Еуразиялық экономикалық одақтан шығып, Еуропа одағына қосылу үшін референдум өткізуге тура келетінін айтқан болатын.
Путин «тек сондай жағдайда ғана екі елдің «бір-бірімен жұмсақ, зайырлы және екі жаққа тиімді қалыпты ажыраса алатынын» атап көрсетіп, Еуропа одағына үнсіз өтіп кетпек болған Украинаның қазіргі тағдырын еске салып өтті.
Осыдан кейін Пашинян журналистерге дәл қазір Арменияның ЕАЭО-на мүшеліктен шығып кету үшін референдум өткізудің қажеттілігі жоқ екенін, ондай плебисцит жүргізу мәселесі жөнінде сөз болуы мүмкін емес екенін мәлімдеді. Оның айтуынша, Ереван ондай қадамға объективті қажеттілік туғанда да ғана барады. Қазір ондай ситуация жоқ. Қоғам қарсы емес. Халық көңілі толмаушылық көрсетіп отырған жоқ.
«Біз ЕАЭО-дағы әріптестеріміздің бәріне, сондай-ақ біздің сол Одаққа қатысуымызға құрметпен қараймыз», – деді Пашинян.
Премьер бұған қоса, Путиннің аузымен айтылған «ажырасу» лексемасына қатысты да өзінің келіспейтінін білдірді.
«Біз мемлекетаралық қатынастарды үйленумен шатастырамыз. Армения мемлекетаралық қатынастарда мемлекетаралық логиканы басшылыққа алады. Біз-ЕАЭО-ның толыққанды мүшесіміз. Біз ЕАЭО-ға мүше болған кезде біз барлық шешімдерді қабылдауға толық қатысамыз», – деді ол.
Пашинян бұған Арменияда Ресейдің мүдделеріне залал келтіру мақсаты болмағанын және болмайтынын, өзінің Путинмен қарым-қатынасы өзара сенімге негізделгенін қосты. «Екі көшбасшы да өткір мәселелерді дәлелдер мен фактілер негізінде байсалды сыйластық пен достық рәуіш қалпында талқылайды», деп атап өтті премьер-министр.
