USD
МӘСКЕУ. 27 сәуір. Ресейлік оқырмандар РФ тергеу комитеті тергеу жүргізгеннен кейін жазушы Григорий Остердің кітабын сатып алуға асықты. Бұл туралы The Moscow Times ақпарына сүйенген rast.kz хабарлайды.
Ресей Тергеу комитетінің бастығы Александр Бастрыкин балалар жазушысы Григорий Остердің шығармаларын тексеруді тапсырғаннан кейін ресейліктер оның кітаптарына сұранысты күрт арттырды.
РБК хабарлағандай, RWB (Wildberries мен Russ қосындысы) баспасөз қызметі Остердің кітаптарын 21-26 сәуір аралығында Wildberries базасында сатудың өткен жылдың осы уағымен салыстырғанда, 500%-ға артып кеткенін атап көрсеткен. Ал сәуірдің басындағыға қарағанда, өсім 220%-ға жеткен.
«Сөз өткен жылы сатылған мыңдаған таралым жайында болып отыр. Барынша танымалдылыққа «Зиянды кеңестердің» түрлі басылымдары болып отыр», – деп түсіндіреді баспасөз қызметі.
Мұндай динамика «Читай-город» кітап дүкендері жүйесінде де тіркелген. Онда, РБК жазғандай, 16-23 сәуір аралығындағы аптада «Зиянды кеңестер» сатылымы алдыңғы аптамен салыстырғанда, 223%-ға дейін көтерілген, ал автордың сатылған кітаптарының жалпы саны үш еседен астамға артқан.
Жазушы Григорий Остердің шығармашылығын тексеру жөніндегі тапсырма 21 сәуірде берілген. Тергеу комитетінің баспасөз қызметі айғақтағандай, жазушының бәрін кері жасауға шақыратын (қол жумау, қабырғаны шимайлару және т.б.), юморлық сипатта жазылған ең белгілі туындыларының бірі – «Зиянды кеңестер» өлеңдер циклын тексеруге Бастрыкиннің өзі бастамашы болған. Осыған байланысты комитеттегілер Остер кітаптарының «педагогтық тұрғыда күдікті көзқарастары» бар деген тұжырым жасаған.
Ресей Украинаға қарсы кең ауқымды соғысты бастағаннан кейін елдегі кітапханалар мен кітап дүкендерінде соғысқа қарсы шыққан, сондай-ақ «шетел тыңшылары» деп танылған авторлар кітаптарының болмауына кеңес берілген. Кейінірек «гейлерді насихаттайтын» және «есірткіні насихаттайтын» басылымдар саудадан алынып тасталды. Бұлардың қатарынан Бокаччоның «Декамеронынан» бастап, Стивен Кинг пен Харуки Муракамидің романдары да бар.
