USD
АСТАНА. 25 шілде. Қазақстанның бұрынғы президенті Нұрсұлтан Назарбаев әлемдегі ең бай көшбасшылар рейтингіне енді. Бұл туралы Ulysmedia.kz ақпарына сүйенген rast.kz хабарлайды.
Brand Vision агенттігі әлемдегі ең бай саясаткерлер рейтингін жариялады. Тізімнің көшін Ресей президенті Владимир Путин бастады. Оның байлығы 200 миллиард доллардан астам деп бағаланған.
Қазақстанның тұңғыш президенті Нұрсұлтан Назарбаев бұл тізімде 8-орынға жайғасты. Мәтбұғаттың мәліметінше, оның 1–2 миллиард доллар шамасындағы байлығын энергетика, жылжымайтын мүлік және саяси байланысы бар конгломераттар құрайды.
«Нұрсұлтан Назарбаев Қазақстанды дербес мемлекет ретінде басқарған отыз жылға жуық уақытта елді кеңестік республикадан мұнай державасына айналдырды. Дәл нақты сома белгісіз, дегенмен оның жеке байлығы 1–2 миллиард доллар аралығында деп есептеледі. Бұл қаржы банктік сектор, жылжымайтын мүлік және энергетика салаларындағы отбасы үлестерімен байланысты. Оның ұзақ жылдық билігі мен мемлекеттік кәсіпорындармен тығыз байланысы оның саяси әрі қаржылық ықпалын күшейтуге мүмкіндік берді», – делінген жарияланымда.
Brand Vision агенттігінің бағалауына сәйкес, ең бай он саяси тұлғаның тізімі төмендегідей:
Владимир Путин (Ресей президенті) – 200 млрд доллардан астам
Хассанал Болкиах (Бруней премьер-министрі) – 50 млрд доллар
Шейх Мұхаммед бен Рашид Әл Мактум (БАӘ премьер-министрі) – 20 млрд доллар
Сильвио Берлускони (Италияның экс-премьері) – 7–8 млрд доллар
Дональд Трамп (АҚШ президенті) – 5,1 млрд доллар
Махатхир Мохамад (Малайзияның экс-премьері) – 3–5 млрд доллар
Себастьян Пиньера (Чилидің экс-президенті) – 2,7 млрд доллар
Мұхаммед VI (Марокко королі) – 2,1 млрд доллар
Таксин Чинават (Таиландтың экс-премьері) – 1,6 млрд доллар.
Нұрсұлтан Назарбаев (Қазақстанның экс-президенті) – 1-2 млрд доллар
Қаңтар оқиғасынан кейін Назарбаевтар отбасы Қазақстаннан кетті. Сол кезде олардың Әбу-Дабиден арал сатып алғаны туралы ақпарат тараған.
Айтары жоқ, Нұрсұлтан Назарбаев Қазақстан билігі бишігін ұстаған уақыттан бергі ең ұлы арманына ақыры жеткен екен!
