USD
МӘСКЕУ. 26 мамыр. Ресей Федерациясының сыртқы істер министрі Сергей Лавров АҚШ мемлекеттік хатшысы Марко Риомен әңгімесі барысында енді Киевтің өзі тікелей соққының астына алынатынын айтты. Бұл туралы DW ақпарына сүйенген rast.kz хабарлайды.
Кремль тарапы АҚШ Мемлекеттік хатшысына дипломатиялық персоналды Киевтен эвакуациялауды қамтамасыз ету туралы ұсыныс берілгенін тағы ескертті. «Ресей Федерациясының Қарулы күштері Киевтегі нысандарға «жүйелі және дәйекті соққылар беруге кіріседі», деді Сергей Лавров.
Ресей сыртқы істер министрі Ресей президентінің тапсырмасы бойынша АҚШ мемлекеттік хатшысына қоңырау шалды. «Ресей Федерациясының сыртқы саясат ведомствосының басшысы АҚШ-тың дипперсоналын Киевтен эвакуациялауды қамтамасыз ету туралы ұсынысына назар аударды», деп хабарлады Ресей министрлігі 25 мамырда.
«Ресей Федерациясының Қарулы күштері Киевте орналасқан Украина Қарулы күштерінің қажеттіліктері үшін пайдаланылатын нысандарға және тиісті шешімдер қабылдау орталықтарына жүйелі де дәйекті түрде шабуыл жасай бастайды», – делінген БАҚ хабарламасында.
Министр, пресс-релизден көрініп тұрғандай, АҚШ-тың Аляскадағы Анкориджде қаласында айтылған ұсынысы бойынша 2025 жылдың тамызында Украинадағы соғысқа қатысты қол жеткізілген келісімдерді еске салды. Лавровтың айтуынша, Еуропа мен Киев «мүдделер тепе-теңдігі негізінде тұрақты ұзақ мерзімді реттеуге жол ашқан аталған келісімдерге нұқсан келтіреді».
Сонымен қатар, АҚШ Мемлекеттік департаментіндегілер Марко Рубио мен Сергей Лавровтың телефон арқылы сөйлесулерінің егжей-тегжейлерін ашып айта қоймады. «Тараптар Ресей мен Украина арасындағы соғыс, екіжақты қатынастар және Ирандағы жағдай туралы пікір алмасты», – делінген 25 мамырда кешке Америка сыртқы саясат басқармасы таратқан баспасөз хабарламасында.
Мәскеу Киевтегі нысандарға үнемі соққы беріп келеді. 24 мамырға қараған түні Ресей Федерациясының Киев Қарулы күштері нысандарын атқылауы Украинаға қарсы кең ауқымды соғыс басталғалы бергі ең сұрапыл шабуылдардың бірі болды. «Ресей Украинаға ондаған зымырандарды атқылап, жүздеген дрондарды ұшырды, нәтижесінде төрт адам қаза тапты, ондаған адам жарақат алды, Киевтегі нысандарға зиян келтірілді», деп еске алды AFP агенттігі. Соның ішінде Deutsche Welle (DW) радиосының Киевтегі кеңсесі де зардап шекті. Соққы толқыны астананың орталығындағы бөлменің терезелері мен төбелеріне зақым келтірді.
Ресей қолданған қарулардың арасында ядролық оқтұмсықтарды тасымалдауға қабілетті орта қашықтықтағы «Фундук» зымыраны болды.
Әуе күштерінің хабарлауынша, 24 мамырға қараған түні Ресей Федерациясының әскерлері Украинаға қарсы 90 қанатты және баллистикалық зымырандарды, сондай-ақ 600 соққы беретін ұшқышсыз ұшақтарды қолданған.
