USD
КИЕВ. 1 маусым. Украина осы кезге дейін АҚШ-тан алып келген Patriot қондырғысын өздерінде шығару өндірісіне қойғысы келетінін білдіріп отыр. Бұл туралы Minval.az ақпарына сүйенген rast.kz хабарлайды.
Порталдың хабарлауынша, Украина президенті Володимир Зеленський АҚШ-тан Patriot әуе шабуылына қарсы қорғаныс жүйелері үшін зымыран жасап шығаруға лицензия беруді сұрағанын Х әлеуметтік желісінде жазған.
«Біздің АҚШ-тан алып отырған әуе шабуылына қарсы қорғаныс жүйелеріне қажетті зымырандардың саны жеткіліксіз, бұл әлемнің әртүрлі аймақтарында дағдарыстар тудыруы мүмкін. Айына 60-65 зымыран деген – бұл қазіргі қиындықтармен салыстырғанда, ештеңе емес. Бұл ешкімге құпия бола алмайды, оны Ресей де біліп отыр. Ендеше, біз өндірісті кеңейтуіміз керек. Мен АҚШ-тың бұрынғы әкімшілігінен сұрадым және қазіргі әкімшіліктен Украинаға «Patriot» зымырандарын өндіруге лицензия беруді сұраймын», – деп жазды ол.
Зеленськийдің айтуынша, мұндай лицензияны беру Украинаны ғана емес, Таяу Шығысты да, Уашингтон қолдайтын басқа аймақтарды да күшейтуі мүмкін. Сонымен бірге, ол Украинада өзінің еуропалық жүйесін құрғанға дейін АҚШ-тың көмегі қажет болатынын атап өтті.
