USD
ҚЫЗЫЛОРДА. 15 наурыз. Қызылоорда облысы Жаңақорған ауданында жаңадан шаңырақ құрған жас жұбайлар сайлау учаскесіне келіп, дауыс берді. Бұл туралы Қызылорда облысы әкімі баспасөз қызметіне сілтеме жасаған rast.kz хабарлайды.
Атап айтқанда, жақында ғана отау құрған аудан тұрғындары Әбуәли Әзімханұлы мен Алтынай Мақсатқызы республикалық референдумда №340 сайлау учаскесіне келіп, дауыс берді. Олар осылайша ел ертеңінің негізі қаланып жатқан сындарлы сәтте азаматтық белсенділіктерін байқатты. Жас отбасы дауыс беру учаскесіне бірге келіп, өз таңдауларын жасап, ел болашағына бейжай қарамайтындықтарын көрсетті. Жас жұбайлар жаңа өмір бастаған отбасылары үшін де, елдің келешегі үшін де бейбітшілік пен тұрақтылықтың маңызы зор екенін атап өтті. Сондықтан олар халықпен бірге өз таңдауларын жасап, ел дамуына үлес қосуды парыз санайтындарын жеткізді.
