USD
ФОКСБОРО. 10 шілде. Бүгін түн ортасы ауа АҚШ-тың Массачусетс штатындағы Фоксборо қаласының «Gillette Stadium» стадионында Франция құрамасы Марокко ұлттық командасын 2:0 етіп ұтты. Бұл туралы «Спорт-Экспресс» ақпарына сілтеме жасаған rast.kz хабарлайды.
Сөйтіп, чемпионаттың 1/4 финалдық кезеңінің бірінші ойынында қарсыласынан басым түскен француздар жартылай финалға да бірінші болып қадам басты.
Кездесу өте жарқын көріністерге толы болды. Соның бірінде африкалықтар дарбазасына белгіленген пенальтиді Килиан Мбаппе соға алмай, ұятқа қалды.
Мұның есесіне, ол матчтың 60-минутында есеп ашып, өз командасын алға шығарды. Араға небәрі 6 минут салып, Усман Дембеле есепті еселеді.
Франция құрамасы осымен өзінің тарихында сегізінші мәрте әлем чемпионатының жартылай финалына жолдама алып отыр.
Француздар мундиалдың үздік төрттігіне түсу жөнінен өзінен бір турнирді артық өткізген Италия құрамасымен теңесті. Бұл екеуінен тек рекордтық көрсеткішті ұстап тұрған Бразилия мен Германия ғана алда келеді.
Бүгін тура түн жарымында Испания және Бельгия құрамалары ширек финалдық кездесулерін өткізеді. Ол Астана уақытымен сағат 00:00-де басталады.
