USD
ПАРИЖ. 28 тамыз. Денсаулық сақтау министрі Ақмарал Әлназарова Парижде Францияның ірі компанияларымен келіссөз жүргізіп, келісім жасасты. Бұл туралы өз мәнбесіне сүйенген rast.kz хабарлайды.
Парижге жұмыс сапары шеңберінде Қазақстан Денсаулық сақтау министрі Ақмарал Әлназарова Францияның Sanofi, Ipsen, Servier, Boehringer Ingelheim, Ellipse, C3 Medical және La Salle Blanche сияқты ірі компанияларының өкілдерімен екі жақты келіссөздер жүргізді.
Тараптар талқылау барысында Қазақстанмен фармацевтика, дәрілік заттарды жеткізу және өндіру, сондай-ақ инновациялық медициналық технологияларды әзірлеу және енгізу саласындағы бірлескен жобалардың мәселелерін қозғады.
Келіссөздер қорытындысы бойынша компаниялар ынтымақтастықты одан әрі кеңейтуге, оның ішінде өндірісті оқшаулау және Қазақстанға технологиялар трансфері саласында жоғары қызығушылық мен мүдделілік танытты.
Мұның алдында Ақмарал Әлназарова француз байтағындағы Джордж Помпиду атындағы Еуропалық ауруханада болды. Министр онда аурухана қызметімен және оның озық практикаларымен терең танысты. Бағдарламаға медициналық мекеменің жұмысы мен оның әріптестік жобаларының тұсаукесері, биохимиялық зерттеулердің роботтық желісін көрсететін биология зертханасына бару және диагностика мен емдеудің заманауи әдістері ұсынылған кадиология бөлімшесіне бару кірді.
Кездесу қорытындысы бойынша тараптар тәжірибе алмасуды жалғастыруға келісті. Осыған орай қыркүйек айында француз мамандарының Алматыға медициналық мекемелерге бару және бірлескен іс-шаралар өткізу үшін сапары жоспарланды.
