USD
АСТАНА. 12 шілде. Бұдан 20 жыл бұрын Бельгия азаматтарына сатылып кеткен Жәнібектің өз анасы мектепте мұғалім болып істейтіні жайлы ақпар тарады. Бұл туралы inbusiness.kz дерегіне сүйенген rast.kz хабарлайды.
Бір жылға жуық уақыттан бері туған анасын іздеп жүрген, бельгиялық отбасы асырап алған Жәнібектің биологиялық анасына қатысты жаңа мәлімет шықты.
Оны Жәнібектің ісіне басынан ден қойып араласып жүрген белгілі журналист Қымбат Досжан өзінің әлеуметтік желідегі парақшасында жазды.
«20 жыл бұрын қылмыс жасап, баланы шетелге сатқан адамның мектепте білім беруге құқы бар ма? Мыңдаған долларға сатып жіберген қарагөздер түсіне кірмей ме екен? Президент «Адам саудасына қарсы іс-қимыл туралы» ҚР Заңына қол қойды», – деп атап өтті ол.
Қымбат Досжан Қазақстанға туған анасын іздеп келген Жәнібектің алға қойған мақсатына жетуі жолындағы барлық тірлік-әрекетінің басы-қасында алғашқы күннен бері жүр.
