USD
АСТАНА. 28 қараша. Астанада заңсыз шеру ұйымдастырған бизнесмен Марат Әбиевтің Назарбаев әулетімен байланысы болуы мүмкін екені айтылып жатыр. Бұл туралы ҚазТАГ хабарлады.
Заңсыз, санкция алынбаған шеру ел байтағында 26 қараша күні кешке, президент Қасым-Жомарт Тоқаевтың инаугурациясы өткеннен кейін көрініс берді.
Агенттік тілшісі аталмыш оқиғаның негізін зерттей келіп, бизнесмен Марат Әбиевтің бұрынғы президенттің әулетімен айтарлықтай қарым-қатынасы бар екенін айғақтайтын бір анықтамаға тап болған. Атап айтқанда, интернетте 2021 жылғы 17 қыркүйек деген күні атап көрсетілген бір анықтамада «КНПЗ» ЖШС-ның құрылтайшыларының қатарында осы Марат Әбиевтен бөлек, Степанова Софья Андреевна, Тайсина Зульфия Зарифовна деген әйелдердің және экс-президенттің туған, жалғыз қарындасы Назарбаева Әнипа Әбішқызының бар екені жайында ақпар тарап жатыр екен.
ҚазТАГ редакциясы осыдан кейін анықтаманың түпнұсқасын іздестіреді, алайда, бүгінгі күні Назарбаева Әнипа Әбішқызының аталған компания құрылтайшылары қатарында жоқ екеніне көз жеткізеді. Демек, алдын ала шығып кеткен. Ал Қазақстан компанияларының сенімділіктерін тексеруді жүзеге асыратын Komprа ұйымының сервистері мәліметтеріне сәйкес, қазір жоғарыда айтылған серіктестіктің, сондай-ақ «Конденсаттарды тұрақтандыру зауыты» ААС-ының Әбиевпен бірге құрылтайшысы ретінде Махметов Аманай Сембекұлының аты ғана атап көрсетіліпті. Осылайша Әбиевтің Назарбаев отбасымен қазіргі байланыстылығы тек қағаз жүзінде ғана қалғандай әсер береді. Бірақ оның Әнипа Назарбаевамен жай таныс қана емес, кезінде тығыз қарым-қатынастағы әріптес болғанын айдан анық көрініп тұр.
Бұған Әбиевтің бұған дейін де жанжалды орталарда аты естіліп жүрген қайраткер екенін айтып қояйық. Мәселен, ол 2020 жылы сенатор Қанатбек Сафиновты жемқорлық фактімен айыптады, алайда, өзінің тұжырымдарын айғақтап бере алмады. Оның тағы бір жанжалы 2022 жылғы көктемде көрініс берді. Ол Астанада өткелі жатқан концертке «Болашақтың архитектуралары» деген қауымды жинамақ болды. Бірақ бұған ешқандай рұқсаты болған жоқ. Сондықтан полиция болғалы тұрған жаппай тәртіпсіздіктің алдын алып, оны болғызбай тастады.
Еске түсіре кетейік, Астанада 26 қараша күні кешке шамамен бір сағаттай уақыт интернет жұмыс істемей қалды. Дәл сол уақытта Марат Әбиев бастаған «Болашақтың архитектуралары» тобы көшеге шыққан екен. Кейінірек полиция тәртіпке бағынбаған 300 адамның ұсталғанын хабарлады.
