USD
АСТАНА. 24 қыркүйек. Астана қаласы азаматтық істер жөніндегі ауданаралық сотында Назарбаевтар әулетінің есімі аталған іс қарала бастады. Бұл туралы «Адырна» ақпарына сүйенген rast.kz хабарлайды.
Істе талапкер ретінде Бас прокуратура жанындағы активтерді қайтару комитеті көрсетілген, ал жауапкер – Н.Б. Назарбаев. Болжам бойынша ол марқұм Болат Назарбаевтың 41 жастағы ұлы Нұрбол Назарбаев болуы мүмкін. Дегенмен істің нақты мән-жайы жария етілмей, сот та, комитет те құпиялылыққа сілтеме жасаған.
Telegram-арналардың мәліметінше, биылғы 8 қыркүйекте Президент Қасым-Жомарт Тоқаев халыққа Жолдауында аталған комитетті «инвесторлардың құқықтарын қорғау комитеті» деп қайта атауды ұсынған. Ол Бас прокуратураның заңсыз активтерді иелерінен қайтаруда атқарған жұмысына оң бағасын беріп, бұл бастаманы «ескі» және «жаңа» Қазақстан арасындағы текетірестің аяқталғанының белгісі деп түсінген сарапшылар да болды.
Ашық мәнбелерген көз жүгіртсек, Нұрбол Назарбаев 2011-2017 жылдары Алматы облыстық ІІД-де қызмет атқарған, басшының орынбасары қызметіне дейін көтерілген. Ал 2017 жылы ол Prime Capital Holding инвестициялық қорын құрып, бақылау кеңесін басқарған.
