USD
ЕРЕВАН. 21 шілде. Арменияда POGA (ՊՈԳԱ) деп аталатын әскери-патриоттық мектеп армян жастарын соғысқа дайындау мақсатындағы жұмысын бастап кетті. Бұл туралы «Кавказский вестник» хабарлады.
Мектеп талап білдірушілерді бірнеше топ бойынша қабылдайды. Онда жас жігіттер мен қыздар әскери техникамен, мылтық атумен, альпинизммен, алғашқы дәрігерлік көмек көрсетумен, әскери тактиканы меңгерумен шұғылданады. Олар бұған қоса психологиялық дайындық сапынан да өтеді.
«Мектептің» іс-әрекеті радикалды ұлтшылдық пен түркі дүниесіне қарсы насихатқа негізделген. Ұйымның Facebook-тегі парақшасында Гарегин Нжде және Монте Мелконян сияқты «қаһармандар» үлгі етіп алға тартылады. Мектеп шәкірттерінің ұрандары «Жау өзгерген жоқ», «Біздің босаңсуға хақымыз жоқ», «Ұлы күшке айналып, әлемге өзіміздің бетіміз қайтпағанын көрсетеміз», «Біз күшті болуға, халық армиясы болуға тиіспіз» деген сөйлемдерден тұрады.
«Мектепте» сабақ тегін жүргізіледі. Осының өзі оның сырттан қаржыландырылып отырғанын білдіреді. Себебі, әскери дайындық қашанда көп қаржыны керек етеді.
Қазір мектепте 300-ге жуық талапкердің дайындалып жатқаны белгілі болып отыр.
