USD
КАНЗАС-СИТИ. 12 шілде. АҚШ-тың Канзас-Сити қаласындағы «Arrowhead Stadium» стадионында Швейцариямен 1/4 финалдық матч өткізген Аргентина қосымша уақытта 3:1 есебімен жеңіп, әлем чемпионатының жартылай финалына шықты. Бұл туралы «Спорт-Экспресс» ақпарына сілтеме жасаған rast.kz хабарлайды.
Бүгін Астана мерзімі бойынша сағат 06:00-де басталған матчтың негізгі бөлігі 1:1 есебімен тең аяқталды.
Есепті 10-минутта аргентиналық шабуылшы Алексис Макаллистер ашты. Ал 67-минутта форвард Дан Ндой жауап доп соқты.
Осыдан кейін, кездесудің 72-минутында екінші мәрте «сары қағаз» алған шабуылшы Бриль Эмболо алаңнан қуылып, швейцариялықтар он ойыншымен қалды. Соған қарамастан, олар қарсыластарының нөпір шабуылдарына төтеп берді.
Ал қосымша уақытта Аргентина екі рет қарсыластар қақпасын дәл көздей алды. Атап айтқанда, 112-минутта Хулиан Альварес, 120+1-минутта Лаутаро Мартинес мергендіктерімен көзге түсті.
Сөйтіп, 3:1 есебімен жеңіске жетіп, жартылай финалдық екінші жұпты толықтырды.
Жалпы, бір ойыншысы артық болған аргентиналықтар матч уақытының 53 пайызында допқа егелік етті, қақпаға доп ұруда да, бұрыштама беруде де, бір-бірлеріне тура пас жеткізуде де алда болды.
Енді Франция – Испания құрамалары арасында АҚШ-тың Даллас қаласында өтетін бірінші жартылай финалдық ойын 15-шілдеге қараған, сейсенбі күннің түнінде, Астана уақытымен 00:00 сағатта басталады. Ал Англия – Аргентина арасында АҚШ-тың Атланта қаласынла өтетін екінші финалдық матч 16-шілдеге қараған, сәрсенбі күннің түнінде, Астана уақытымен 00:00 сағатта ойналады.
