USD
УАШИНГТОН. 9 тамыз. АҚШ Конгресінің жоғарғы палатасы Ресейге қарсы «тозақы санкциялар» туралы заңды қабылдап, қол қою үшін Президентке жіберді. Бұл туралы The Moscow Times ақпарына сілтеме жасаған rast.kz хабарлайды.
Сөйтіп, шілде айында қайтыс болған сенатор Линдси Грэм дайындаған және тезірек іске қосылуына айрықша мүдделі болған «сұрапыл» санкция 86 депутат қолдап, тек 11-і қарсы шығуымен қабылданды.
Енді Дональд Трамп қол қойғаннан кейін АҚШ Ресей мұнайы мен газын сатып алушы топ-5 елге 100 пайыздық мөлшерде баж салығын салатын болады. Мұндай баж салықтары импорттық тауарларында Ресей энергия ресурстарының үлесі 15 пайыздан асатын мемлекеттерді де қамтиды (Бұл шеңберге Қытай мен Үндістан бірден кіреді). Тап осындай жазаға Мәскеуге санкцияларды айналып өтуге жәрдем беріп жүрген дәулеттер де ұшырайды. Ал РФ-ның АҚШ-қа жіберетін кез келген экспортына 500 пайыздық баж салығы сыбағасы дайын тұр.
Жаңа мизамға лайық, жеке тұлғаларға салынатын санкциялар тізімінде Владимир Путиннен бастап, елдің үкімет мүшелері мен күштік құрылымдарының басшылары бар. Санкциялар сондай-ақ ресейлік барлық табиғи газды сығымдау жобаларына, Арктикадағы энергетикалық құрылымға, теңіз айдынында мұнай, газ және көмір тасымалдау үшін пайдаланылатын «көлеңкелі флотқа», кемелерге, бұдан бөлек, Кремльге танкерлер сатып жүрген тұлғаларға салынады.
