Әнші Гюнай Ибрагимли жаңа клип ұсынды (видео)

БАКЫ. 27 сәуір. Әзербайжанның танымал әншісі Гюнай Ибрагимли өзінің жаңа жобасын ұсынды. Бұл туралы Oxu.Az сайты хабарлады.

Желілік басылым мағлұм еткендей, әнші клипте «Bu zamandan sonra» («Бұл заманнан кейін») деген әнді орындайды. Оның авторы – Зүльфи Бадалов, ал жобаның режиссері – Деле Орджлу.

Клипте Гюнай Ибрагимли бірнеше жарқын образбен көрінеді. Ол Instagram-да «өзінің алуан түсті жұмысымен көңілсіз карантинде отырған табынушыларына позитивті көңіл күй сыйлағысы келгенін» айтады.

«Әннің бір бөлігін мен Instagram-ға орналастырдым. Жазылушылардың көпшілігінің реакциясына қарағанда, ән оларға қатты ұнаған екен. Көктем келді, ал елде карантин режимі. Мен өзімнің тап осы жарқын клипімді және ырғақты әуенімді барлық месседж #evdəqal-ға жолдап, оларды позитивті үніммен көтергім келді», – деп жазды әнші соңында.