USD
АЛМАТЫ. 14 тамыз. Алматыда америкалық әнші, продюсер Канье Уэстің Орталық стадиондағы концерті ертеңге ауыстырылды. Бұл туралы Kazinform ақпарына сілтеме жасаған rast.kz хабарлайды.
Канье Уэст немесе YE концерті бүгін, 14 тамыз сағат 21:00–де өтуі тиіс еді. Алайда ауқымды шоудың басталуына санаулы минуттар қалған кезде ұйымдастырушылар концерт 1 күнге шегерілгенін хабарлады. Шешім қауіпсіздік шараларын сақтау мақсатында қабылданған.
Еске сала кетейік, жанкүйерлер үшін Орталық стадион есіктері сағат 16:00–ден бастап ашылды. Концертке бірнеше сағат қалғанда Алматыда қатты жауын-шашын орын алды.
Осының және басқа да себептер салдарынан Алматы мен Алматы облысының басым бөлігінде электр жарығы өшіп қалды.
Бұдан кейін Алматының барлық қызметтері күшейтілген режимге көшті.
