USD
НҰР-СҰЛТАН. 9 ақпан. Бүгін «Antikor» орталығында Сыбайлас жемқорлыққа қарсы іс-қимыл агенттігінің Нұр-Сұлтан қалалық департаменті басшысының бірінші орынбасары Бақытжан Ниязов ақпараттық-ағартушылық штабы мүшелерімен кездесу өткізді. Бұл туралы қалалық департамент баспасөз қызметінің дерегіне сүйенген rast.kz хабарлады.
Қоғамда парасаттылық қағидаларын ілгерілету және идеологиялық жұмыстар арқылы қоғамда сыбайлас жемқорлыққа мүлдем төзбеушілік қалыптастыру мақсатында құрылған штаб қазіргі таңда белсене жұмыс атқаруда. Қалалық штаб құрамында белгілі қоғам қайраткерлері, ақын, жазушы, ғалым, кино және театр актерлері, қоғам белсенділері бар.
Кездесуде штабтың 2021 жылы атқарылатын іс-шаралары талқыланып, елорда жастарымен, «Саналы ұрпақ» және «Адал ұрпақ» клубтарының белсенді мүшелерімен кездесулер өткізу жоспарланғаны айтылды. Сонымен қатар, ақпараттық-ағартушылық штаб мүшелеріне әділдік пен парасаттылықты дәріптейтін, сыбайлас жемқорлыққа қарсы сипат танытатын бейнероликтер әзірлеп, жастар арасында кеңінен тарату ұсынылды.
Қазіргі таңда штаб мүшелері мемлекеттік органдар және еңбек ұжымдарымен, жастармен кездесіп, түсіндіру жұмыстарын жүргізіп жатыр.
