USD
МӘСКЕУ. 12 тамыз. Ресейдің COVID-19 індетііне қарсы «Спутник V» вакцинасы бес елдің фармацевтік зауыттарында шығаратын болып отыр. Бұл туралы ТАСС хабарлады.
Иә, «қазақстандық бірқатар блогерлердің фейсбук парақшаларында табанды түрде қатты қарсылық көрсетіп жатқандарына» қарамастан, Ресей тікелей инвестициялар қорының (РФПИ) басшысы Кирилл Дмитриев осыны жеткізді.
«Біз шетелдік әріптестерімізбен бірге қазірдің өзінде бес елде жылына 500 000 000-нан астам препарат шығаруды қамтамасыз етуге дайынбыз», – деді К.Дмитриев.
Ол РФПИ-дің 20 елден жалпы саны 1 000 000 000 данадан артық вакцинаны сатып алу жөнінде алдын ала тапсырыс алып қойғанын атап өтті.
Коронавирусқа қарсы әлемдегі бірінші вакцина 11 тамыз күні Ресей денсаулық сақтау министрлігінде тіркелді. Оны Гамалеи атындағы Эпидемиология және микробиология ұлттық зерттеу орталығы Ресей тікелей инвестициялар қорымен бірге жасап шығарды.
«Вакцинаны азаматтық айналымға жіберу мерзімі – 2021 жылдың 1 қаңтары», – делінген Ресей денсаулық сақтау министрлігінің хабарламасында.
Тағы бір атап өтерлігі, ресейліктер жасап шығарған вакцинаның қуаты адамды коронавиорустан екі жылға дейін қорғап тұрады.
Вакцина әрбірі 38 адамнан тұратын екі топтағы адамдар арасында сынақтан сәтті өткізілген.
Айтқандай, қазір еске түсіп отыр, әйгілі болгар көріпкел кемпірі Ванга бұдан көп жылдар бұрын XXI ғасырдың 20-шы жылдарына қарай әлемді бұрын болмаған індеттің жайлайтынын, адамзатты одан құтқарып қалатын препаратты Ресей жасап шығаратынын айтып еді.
Лайым солай болғай! Всем ворчунам-скептикам-пессимистам назло!
