Шымкентте жаппай төбелес болды, кісі өлімі бар

ШЫМКЕНТ. 16 маусым. Бүгін Шымкентте көп адам қатысқан жаппай төбелес орын алды. Бұл туралы Otyrar.kz хабарлады.

Оқыс оқиға таңғы сағат 5-тің шамасында басталды. Шымкенттегі Республика даңғылы мен Айбергенов көшесінің қиылысында орналасқан «City» кафесінің жанында болды.

Алдын ала мәліметке қарағанда, жасы 30-35 мөлшеріндегі бір адам осы төбелес кезінде жантәсілім еткен. Ақпар қазір анықталып жатыр.

Төбелес карантинмен белгіленген уақыт өтіп кеткеннен кейін кафеде отырып қалғандар арасындағы кикілжіңнен туындаған.

Мәселенің толық мән-жайын полицейлер анықтайтын болады.