USD
АСТАНА. 4 мамыр. Сенат депутаты Мәулен Сағатханұлы Әшімбаев Сенат төрағасы болып сайланды. Бұл туралы zakon.kz хабарлады.
Әшімбаев 2019 жылдың желтоқсанынан бері ҚР Президенті Әкімшілігі басшысының бірінші орынбасары болып келген.
2 мамырда Мемлекет басшысының Жарлығымен Қазақстан Республикасы Парламенті Сенатының депутаты Назарбаева Дариға Нұрсұлтанқызының өкілеттігі тоқтатылды. 4 мамырда Орталық сайлау комиссиясының отырысы болып, онда «Қазақстан Республикасы Парламенті Сенатының депутаты Д.Н.Назарбаеваның өкілеттігін тоқтату туралы» қаулы қабылданды.
Мәулен Әшімбаев 1971 жылы Алматы қаласында туған. 1993 жылы Әл-Фараби атындағы Қазақ ұлттық университетін, бұдан кейін АҚШ мемлекетінде 2016 жылы Тафтса университетін, Флетчер атындағы құқық және дипломатия мектебін бітірген. Саяси ғылымдардың кандидаты. Халықаралық қатынастар магистрі.
Еңбек жолы:
– Баспасөз және бұқаралық ақпарат министрлігі Баспасөз қорының Маркетинг бөлімінің жетекші маманы, бас маман, атқарушы директорының орынбасары (1993-1994);
– Жоғарғы Кеңес депутаты Д.Нұрахметовтің көмекшісі (1994-1995);
– Қазақстан Республикасы Қауіпсіздік Кеңесінің кеңесшісі (1995);
– Қазақстан Республикасы Президенті әкімшілігінің талдау және стратегиялық зерттеулер орталығының аға сарапшысы, сектор меңгерушісі, бастығының бірінші орынбасары (1995 – 1999);
– Қауіпсіздік Кеңесі талдау орталығының бастығы (04.1999 – 02.2000);
– Президент жанындағы ҚСЗИ директоры (05.2000 – 05.2005);
– Қазақстан Республикасы Тұңғыш Президентінің Қоры жанындағы әлемдік экономика және саясат институтының директоры (03.2004 – 05.2005);
– Қауіпсіздік Кеңесі хатшысының орынбасары (05.2005 – 04.2006);
– Президент әкімшілігі басшысының орынбасары (13.04.2006 – 10.2011);
– Қазақстан Республикасы Президентінің көмекшісі (30.07.2019 – 18.12.2019);
– Президенті әкімшілігі басшысының бірінші орынбасары (2019 жылғы 18 желтоқсаннан бастап).
