USD
АСТАНА. 25 тамыз. Мемлекет басшысы Қасым-Жомарт Тоқаев белгілі ақын, Қазақстанның халық жазушысы Марфуға Айтхожаға құттықтау жеделхатын жолдады. Бұл туралы Kazinform.kz ақпарына сілтеме жасаған rast.kz хабарлайды.
Президент көрнекті ақын, қоғам қайраткері, ерекше дарын иесі ретінде халық құрметіне бөленген Марфуға Ғалиқызын 90 жасқа толуымен құттықтады.
Мемлекет басшысы ақынның қазақ әдебиеті мен мәдениетінің дамуына қосқан үлесін атап өтіп, оның шығармашылығына жоғары баға берді.
Президенттің сөзінше, Марфуға Айтхожа ғұмырын ұлттық поэзияның өрісін кеңейтуге арнап, өз туындыларында қазақ даласын, ел тарихын, халықтың бірлігі мен салт-дәстүрін кеңінен жырлаған.
«Қазақтың дархан даласы мен тамыры терең тарихын, ұлтымыздың ынтымақ-бірлігі мен салт-дәстүрін өршіл де сыршыл өлеңдеріңізге арқау еттіңіз. Оқырман қауым жырларыңызды сүйсініп оқиды және өзіңізді «Қазақтың жыр Аққуы» деп ардақтайды. Алдағы уақытта да өнегелі өміріңізбен өскелең ұрпаққа үлгі болып, ел-жұрттың ортасында сый-құрметке бөлене беруіңізге тілектестігімді білдіремін», – делінген жеделхатта.
Бұдан алдын Мемлекет басшысы айтулы ақын, лингвист Олжас Сүлейменовті де мерейлі жасқа келуімен құттықтаған еді.
