USD
МӘСКЕУ. 8 тамыз. Ресей Сыртқы істер министрлігі дүйім ресейліктерге соғыстың олар ойлағаннан да ұзаққа созылғалы тұрғанын жеткізіп, жалпының осыған даяр болулары керек екенін ескертті. Бұл туралы The Moscow Times ақпарына сілтеме жасаған rast.kz хабарлайды.
«Украинаға қарсы соғысты жақын келешекте реттеудің реті келмейтін болғандықтан, Ресей ұзақ уақытқа созылатын ұрыс қимылдарына дайын болуы керек», – деді ТАСС тілшісіне Ресей Сыртқы істер министрлігінің аса маңызды тапсырмалар бойынша елшісі Родион Мирошник.
Оның пікірінше, «батысшылар жанжалдың созылы түсуіне барлық жағдайды жасады» және «оны бейбіт жолмен реттеудің барлық мүмкіндіктерін жоққа шығарды», осыған байланысты «диалог жүргізудің барлық әрекеттері еуропалықтардың келісімге қол жеткізудің кез келген мүмкіндігін іске асырмау жөніндегі тапжылмас әрекеттеріне барып тіреліп тұрды».
Бұдан бұрын, 9 шілдеде Ресей сыртқы істер министрі Сергей Лавров 2024 жылғы маусымда Ресей Сыртқы істер министрлігінде сөйлеген сөзінде белгілеп берген мақсаттарына жеткенше Мәскеудің соғысты жалғастыра беруге ниетті болып отырған мәлімдеген болатын. Сол жолғы сөзінде диктатор Украинадан бүкіл Донбасс, сондай-ақ Запорожье және Херсон облыстары территорияларынан әскерлерін шығарып, Қырымды Ресейдікі деп мойындауды, НАТО-ға мүше болудан бас тартуды талап еткен болатын.
Ал биылғы шілде айында Путин тағы да соғысты жалғастыра беруге ынталы екендерін растаған еді.
