USD
МӘСКЕУ. 2 тамыз. Мәскеуде Ресей Әуе-ғарыш күштері қолбасшысы, генерал-полковник Александр Чайконы біреулер жарып жібермекші болды. Бұл туралы Astra телеграм-арнасының ақпарына сілтеме жасаған rast.kz хабарлайды.
«Коммерсантъ» газеті жазғандай, шабуыл жабық ресторан қонақтарына қастандық келтіру мақсатында жасалған. Бір әйел мұнда бір қорапты алып кірмек болған. Оны «сыйлық» деп атап көрсеткен. Алайда күзетші қорапты өзі тексеріп көрмекке ықылас танытыпты. Сол сәтте оның ішіндегі қуаты шамамен 1 кг тротилді эквивалент болатын қондырғы дистанциялық басқару жүйесі арқылы дереу іске қосылады.
Astra мен Ян Матвеева есімді әскери талдаушының мәліметтері бойынша, мұнда өткелі жатқан іс-шараға өзінің 55 жасқа толғанын атап өтпекші болған Ресей Әуе-ғарыш күштері қолбасшысы Александр Чайко қатысуға тиісті екен.
Мәскеудің орталығында, Кудря алаңындағы ресторанда жарылғыш қондырғының детонациясы салдарынан орын алған жарылыста 3 адам оқиға орнында қаза тапса, тағы 21 адам әртүрлі дене жарақатымен ауруханаларға жатқызылған. Мұны РФ ұлттық антитеррорлық комитеті хабарлады.
«Мәскеудің Кудря алаңындағы ресторанда сағат 19:55-де қолдан жасалған жарылғыш қондырғының жарылуы орын алды», – деп атап өтті ведомстводағылар.
Жарылысты ұйымдастырушылардың көздеген нысаналары генерал-полковник болған сияқты. Ол – Александр Юрьевич Чайко 1971 жылғы 27 шілдеде Мәскеу облысының Одинцово ауданындағы Голицын қаласында туған. РФ Әуе-ғарыш күштері қолбасшысы. 2020 жылы РФ батыры атағын алған. Ресейдің Украинаға басқыншылық соғысы барысында, 2022 жылдың көктем-жаз айларында Бучада адам қырғынын жасаған әскерлер тобын басқарған. Негізгі себеп осы болса керек.
