Министр 42 500 теңге үшін халықтан кешірім сұрады
АСТАНА. 13 сәуір. Еңбек және халықты әлеуеттік қорғау министрі Біржан Нұрымбетов онлайн брифинг беру кезінде 42 500 теңгелік төлемнің кешіктіріліп жатқанына байланысты халықтан кешірім өтінді. Бұл туралы BAQ.KZ хабарлады.
«Бүгін 42 500 теңгеге қатысты 3 миллион 703 мың адам өтініш берді. Өтініш саны – 4 миллион 900 мың. Оның ішінде 1 миллион 779 мың адамға әлеуметтік тһлем тағайындалды. Есепшоттарына 75 миллиард 600 миллион теңге аударылды. Халық тарапынан ең жиі қойылып жатқан сауалдардың бірі «Мен ала аламын ба?» болып отыр. Мұндағы тәртіп мынадай. Бұл әлеуметтік төлем ресми, бейресми жұмыс істеп жүрген, төтенше жағдайға дейін жұмыс істемесіңіз, төлемді ала қоямын деген болмайды», – деді министр.
Осыдан кейін Біржан Нұрымбетов атаулы 42 500 теңгені кімдердің ала алатынына тоқталды.
«Мысалы, сіз жалдамады жұмыскерсіз дейік. Бірақ карантин кезінде сіз ақысыз демалысқа жіберілдіңіз. Бұл ретте сіз үшін өтінішті жұмыс беруші береді. Себебі, ол сізге төтенше жағдайға дейін әлеуметтік жәрдем төлеп келген. Сол себепті сіз бұл жерде ештеңе төлемейсіз. Екінші, жеке тұлғалар, яғни кәсіпкерлер, жеке тәжірибемен айналысып жүргендер, азаматтық-құқықтық сипатта жұмыс істеп жүрген фрилансерлер, ешқандай ЖК ашпай төлем жасап жүргендер. Сіздердің жеке кәсіпкерліктеріңіз ресми, сондықтан сіздер өздіріңіз өтініш бере аласыздар. Біз мұнда азаматтың жасына, статусына, мүгедектігіне, зейнеткер екеніне қарамаймыз. Бастысы, 12 айда бір рет бірыңғай жиынтық төлемін жасаған болсаңыз, жетіп жатыр», – деді бұдан әрі министр.
Біржан Нұрымбетов төлемнің неге кешігіп жатқанына қатысты түсінік беріп, халықтан кешірім сұрады.
«Тағы бір атап өтерлік үлкен мәселе төлемнің неге кешігіп жатқанына байланысты. Осы арада мен халықтан кешірім сұраймын. Біз үлгере алмай жатырмыз. Оның себебі – төлем жасауға үш күн белгіледік. Алаййда, ол аздық етті. Аталмыш 42 500 теңге бюджеттен емес, мемлекеттік сақтандыру қорынан төленеді. Сол қор ақша береді, сол қор тағайындайды. Ол бөлек мекеме. Қазақстанда бүкіл төлемдер «Азаматтарға арналған үкімет» мемлекеттік корпорациясы арқылы өтеді. Ал өтініштерді қабылдап жатқан біздің министрлік. Бұл мәселемен үш мекеме шұғылданып отыр. Қызметкерлер күні-түні жұмыс істеуде», – деп түйіндеді министр.
