USD
ТАЛЛАХАСИ. 15 мамыр. Флорида штатындағы Палм-Бич халықаралық әуежайы 9 шілдеден бастап АҚШ-тың қазіргі президенті Дональд Трамптың атымен өзгертіледі. Бұл туралы DW ақпарына сүйенген rast.kz хабарлайды.
Оның үш әріптен тұратын коды Djt болып өзгереді. Бұл – Ақ үй басшысы аты-жөнінің бас әріптері.
АҚШ-тың Флорида штатындағы Палм-Бич халықаралық аэропорты Құрама Штаттардың қазіргі президенті Дональд Трамптың құрметімен аталатын болды. «Қайта атау 9 шілдеден бастап күшіне енеді», деп жазды Reuters агенттігі 14 мамыр, бейсенбі күні.
АҚШ көлік министрі Шон Даффи бұл жағдайда әуе гаваны коды PBI-ден DJT-ге ауысатынын атап өтті. Бүкіл әлемдегі үш әріптен тұратын идентификаторларды халықаралық әуе көлігі қауымдастығы (IATA) тағайындайды.
Флоридада Трамптың Мар-а-Лаго резиденциясы орналасқан,с онда ол әлем көшбасшыларымен кездесулер өткізеді.
Бұған дейін Мемлекеттік департамент АҚШ Бейбітшілік институтына Трамптың есімін берген, ал Уашингтондағы Джон Кеннеди атындағы орындаушылық өнер мемориалдық орталығы қазір «Дональд Дж. Трамп пен Джон Кеннеди» деп аталады. Ақ үйдің басшысы сонымен қатар АҚШ Әскери-теңіз күштері үшін жаңа «Трамп» класындағы екі әскери кеменің құрылысы басталғанын жариялады.
Жақында Тәуелсіздіктің 250 жылдығына орай АҚШ Трамптың портреті мен алтын әріптермен басылған қолтаңбасы бар төлқұжаттар сериясын шығаратыны айғақталды. Қазіргі президенттің қолы жүз долларлық банкноттарда пайда болады. Сонымен қатар, бейнелеу өнері комиссиясы Тәуелсіздік мерейтойына Трамп бейнеленген және «Бостандық» (Liberty) деген жазуы бар 24 караттық алтын мәнет шығаруды қолдады.
