USD
МӘСКЕУ. 22 сәуір. Кремль лидерлерінің бірі Сергей Шойгу Донбастағы ахуал Молдовадағы Днестр бойында да қайталануы ақтимал екенін айтып, айбат шекті. Бұл туралы The Moscow Times ақпарына сүйенген rast.kz хабарлайды.
Ресей Қауіпсіздік кеңесінің хатшысы Сергей Шойгу «Комсомольская правда» газетіне берген сұхбатында Молдова билігінің Приднестровьеге қатысты әрекеттерінің 2014 жылдан кейінгі Донбасс айналасындағы оқиғаларға көбірек сәйкес келетінін атап өтті.
Оның айтуынша, Кишинеу Украинаның «қатысуымен» аймаққа «блокада» жасаған, оны «сауда, банк және көлік кедергілеріне» ұшыратып, жергілікті халықтың өмір сүру жағдайларын күрт «нашарлатып» жіберген.
«Бұл қозғалыс еркіндігін шектеуге, заңсыз кедендік баждар салуға, азаматтықтан өз еркімен айыруға алып барды… жағдай, тікелей айтайын, қиын. Жүйе құраушы кәсіпорындар жұмыс істемейді немесе іркіліспен істейді, энергия ресурстарының ұдайы тапшылығы байқалады», – деп атап өтті Шойгу.
Ол «Молдова басшылығының Приднестровьеге қатысты әрекеттері Украина билігінің 2014 жылдан кейінгі Донбасс төңірегіндегі мәлімдемелеріне көбірек ұқсайды» деді.
Осыған орай енді бұлай бола берсе, іске Ресейдің араласатынын айтып қорқытып, республиканы арандап қалудан сақтандырды.
«Днестр бойы автономиясында 220 мыңнан астам Ресей азаматы тұрады, олардың мүдделері мен қауіпсіздігіне Киев пен Кишинеудің ойсыз және жауапсыз әрекеттері қатер төндіреді. Егер қажеттілік туындаса, Ресей барлық тиісті қадамдарды жасайды және оларды қорғау үшін барлық қолжетімді әдістерді қолданады», – деп ашу шақырды Шойгу.
Ол сондай-ақ Молдованы Приднестровьеден Ресей әскерлерінің жедел тобын «ығыстырып» шығаруға тырысты деп айыптады. Қауіпсіздік кеңесінің хатшысы 17 сәуірде республиканың ресейлік контингент басшылығына нон грате жариялағанын еске салып, командирлерді аймақтан тыс жерлерде жүру мүмкіндігінен айырғанына назар аударды. Шойгудың пікірінше, бұл қадам Кишинеудің «жағдайды одан әрі ушықтыруға ниетті екенін растайды».
«Біз оқиғалар ең жағымсыз сценарий бойынша дамымайды деп үміттенеміз. Приднестровье мәселесін қарулы жолмен шешуге бағытталған кез-келген әрекеттің де, ресейлік бітімгерлерді «Батыс елдерінің контингентімен» алмастыру ниеті де Молдова мен бүкіл аймақ үшін жағымсыз салдарлар тудыратынын барлық деңгейлерде бірнеше рет ескерттік», – деп қорытындылады Шойгу.
Молдованың ТМД-дан шығу туралы шешімін бекіту аясында да бірқатар мәлімдемелер айтылды. Бұған дейін Кремль Еуропамен қарым-қатынас орнату үшін Ресеймен «қарсыласу» бағытын жалғастырса, республиканы «жақсы ештеңе» күтпейтінін айтқан болатын.
2025 жылдың күзінде Молдова 2035 жылға дейін жаңа әскери стратегияны бекітті, онда Ресей Федерациясы «басты қатер» деп аталды.
