Аңызға айналған каратэші актер Чак Норрис қайтыс болды (видео)
ГОНОЛУЛУ. 20 наурыз. Америкалық атақты актер және жекпе-жек шебері Чак Норрис 86 жасында бақилыққа аттанды. Бұл туралы Euromews ақпарына сүйенген rast.kz хабарлайды.
Карлос Рэй (Чак) Норрис 1942 жылы 10 наурызда АҚШ-тың Оклохома штатындағы Райан қаласында туған. Өмірінің соңғы жылдары Гавайи аралдарындарындағы Кауаи қаласында тұрған, осында өмірден де өтті.
Норрич өткен аптада өзінің 86 жасқа толғанын тойлап, оның видеосын әлеуметтік желіде жариялаған екен.
Ол сонда: «Мен қартайып келемін. Тартыла түстім. Бүгін 86-ға толдым! Өзіңді сергек сезіну үшін шуақты күні аздап экшен ойнағаннан артық ештеңе жоқ», – деп жазыпты.
Норрис бұған сосын: «Мен тағы бір жыл, жақсы денсаулық және өзім жақсы көретін істермен айналысуға мүмкіндік берілгені үшін ризамын. Әлемдегі үздік фанаттарым болғандардың бәріне рахмет айтамын. Сіздердің ұзақ жылдар бойы қолдауларыңыздың арқасында мен табысқа жеттім. Құдай разы болсын» дегенді қосты.
Туыстары Норристің қайтыс болғанын хабарлап, оның отбасының ортасында қайтыс болғанын атап өтті.
Актер қазасынан аз уақыт бұрын жаттығудан кейін ауруханаға жатқызылған. Алайда бір күн бұрын ол жақсы көңіл-күйде болып, белсенді түрде жаттығулар жасайды.
Чак Норрис Голливуд даңқына қол жеткізгенге дейін кәсіби каратэден орта салмақта әлемнің алты дүркін чемпионы атанған. Ол сондай-ақ каратэнің Chun Kuk Do деп аталатын америкалық стилін жасап шығарған, өз версиясындағы 3300-ден астам қара белбеуді таратқан United Fighting Arts Federation ұйымын құрды.
Чак бірінші рет 1968 жылы «Қиратушылар командасы» деген фильмге түсті. Актерлік кезең осылай басталды. Ол 1980 жылдардағы экшн-фильмдер әлеміндегі маңызды тұлғаға айналды.
Норрис әйгілі жекпе-жек шебері және қара белбеу иегері болды. 1989 жылы ол Голливуд Даңқ аллеясына енгізілді, ал 2010 жылы оған Техас рейнджері атағы берілді.
Норристің аты аңызға айналған Брюс Лимен тығыз қарым-қатынаста болды. Олар 1960 жылдары бірге жаттығып, «Айдаһар жолы» культтік фильмінде басты рөлді сомдады.
Айта кету керек, Норрис өмірінің соңғы жылдарында жақындарынан айырылды. Оның анасы 2024 жылы өмірден өтті, ал бірінші әйелі Диана Холечек сол жылдың желтоқсан айында қайтыс болды.
Актер екі рет үйленген және бес бала тәрбиелеп өсірді, оның ішінде актер Майк Норрис пен жарыс жүргізушісі Эрик Норрис бар. Оның қайтыс болуы әлемдік киноиндустрия үшін ауыр шығын болып саналады.
