USD
МӘСКЕУ. 13 қазан. Ресей диктаторы Владимир Путин Украинадағы қанды қасапқа тағы 2 млн ресейлік мұңлықты сала атындай жол тапты. Бұл туралы The Moscow News ақпарына сүйенген rast.kz хабарлайды.
Кремль Қорғаныс министрлігінің 2015 жылы Владимир Путиннің жарлығымен жасалған орасан зор мобилизациялық резервін армиядағы қызметке тартуға дайындалып жатыр.
Дүйсенбі күні үкімет президентке контрреволюциялық операциялар мен соғыс жанжалы кезінде соғыс жағдайы мен мобилизация жарияламай-ақ резервтегілерді пайдалана беруге, соның ішінде шетелдерге де жұмсауға рұқсат беретін заң жобасын мақұлдады.
«Енді Ресей билігі армияның мұқтаждығы үшін 2 миллионға дейінгі адам санын іске қоса алады», – деп мәлімдеді Мемлекеттік дума корғаныс комитеті төрағасының орынбасары Алексей Журавлев. «Біз өзіміз де ең нағыз және барынша кең ауқымды ұрыс қимылдарын жүргізіп келеміз, бірақ соған қарамастан, соғыс жарияланған жоқ. Заңдағы осы ерекшеліктер Қорғаныс министрлігінің маневр жасау мүмкіндігіне ылғи тосқауыл қойып келіп еді, қазір соның бәрі жойылды», – деді депутат.
Әңгіме «әскерде қызмет етуге ерікті түрде келетін» және осы үшін әртүрлі төлемдер мен жеңілдіктер алатын адамдар жайында болып отыр. Енді бұл адамдарды бұрынғыдан әлдеқайда көп етіп әскер қатарына әкелудің орайы келіп тұр.
