USD
КИЕВ. 4 шілде. Украина лидері Володимир Зеленський АҚШ президенті Дональд Трамппен телефонмен сөйлесіп, өз ығына қарай жығылдырды. Бұл туралы DW ақпарына сүйенген rast.kz хабарлайды.
Украина президенті америкалық әріптесімен болған әңгімені «өте маңызды және жемісті» деп атады. Зеленськийдің айтуынша, ол Трамппен Ресейдің әуе соққылары және жалпы майдандағы жағдай туралы ойларын ортаға салған.
4 шілде, жұма күні Украина мен АҚШ президенттері Володимир Зеленський мен Дональд Трамп телефон арқылы сөйлесті, оны Украина басшысы «өте маңызды және жемісті» деп атады. Зеленськийдің айтуынша, тақырыптардың арасында Украинадағы майдандағы қазіргі жағдай, сондай-ақ Ресейдің әуе соққылары болған. «Біз әуе шабуылына қарсы қорғаныс саласындағы мүмкіндіктерді талқыладық және аспанымызды қорғауды күшейту үшін бірлесіп жұмыс істейтінімізге келістік», – деп жазды Украина президенті әлеуметтік желіде.
Сонымен қатар, мемлекет басшылары қорғаныс өнеркәсібі мен бірлескен өндірістің мүмкіндіктері туралы «тегжейлі айтты». «Біз АҚШ-пен тікелей жобаларға дайынбыз және бұл қауіпсіздік үшін, әсіресе ұшқышсыз ұшақтар мен соған байланысты технологияларға қатысты өте маңызды деп есептейміз», – деді Володимир Зеленський.
Телефон арқылы сөйлесу барысында ол Трампты АҚШ-тың Тәуелсіздік күнімен құттықтады, Украинаны қолдағаны үшін алғыс айтып, «әділ, тұрақты және лайықты бейбітшілікке» жету жолындағы күш-жігерді атап өтті.
Ақ үй Зеленський мен Трамптың әңгімесіне әлі түсіндірме берген жоқ.
X әлеуметтік желісінде Axios тілшісі Барак Равидтің жағдаймен хабардар мәнбеге сілтеме жасап хабарлауынша, АҚШ пен Украина президенттерінің әңгімесі шамамен 40 минутқа созылған. Лидерлер Ресейдің Украинаға соққы беруін күшейту және Киевке әуе шабуылына қарсы қорғаныс жүйелерін жеткізу мәселелерін талқылады.
«Зеленськийге қоңырау шалмас бұрын АҚШ президенті 4 шілде күні таңертең Германия канцлері Фридрих Мерцпен телефон арқылы сөйлесіп, Украинаның әуе қорғанысы мәселесін талқылады», деп жазады апталық Der Spiegel басылымы. Ол Ақ үй иесін Украинаға әскери көмек көрсетуді жалғастыруға шақырды.
