USD
БІШКЕК. 27 маусым. Қырғызстанда мемлекеттік тіл – қырғыз тілінің қолданыс аясын көтеру жолында нақты жұмыстар қолға алынып жатыр. Бұл туралы The Moscow News ақпарына сүйенген rast.kz хабарлайды.
Парламентте қабылданған жаңа заңға сәйкес, Қырғызстан телерадиосындағы қырғыз тілінің контенттік үлесі 60 пайыздан төмен болмауы тиіс. Сол сияқты мемлекеттік қызметшілер үшін бұл тілді білу міндетті болып саналады.
Қырғызстанда қырғыз тілінің орыс тіліне қатысты рөлін күшейту туралы заң қабылданды. «Егер біз қырғыз тіліне соншалықты немқұрайлы қарайтын болсақ, онда алдағы жылдары біз ұлт болудан қаламыз», – деп келтіреді AFP ел парламентінің спикері Нурланбек Тургунбек уулуның сөзін.
Жаңа заңға сәйкес, Қырғызстандағы телеарналар мен радиолардағы қырғыз тіліндегі контенттің үлесі енді 60 пайыздан төмен болмауы керек. Елді мекендердің атаулары да қырғыз тілінде жазылады, ал қырғыз тіліндегі жарнамалардың қаріптері өлшемі орыс тіліндегі нұсқадан үлкен болуы керек.
Қырғыз тілін білу мемлекеттік қызметкерлерге, соның ішінде судьялар мен прокурорларға міндетті болуы тиіс.
AFP еске салғандай, қырғыз тілі де, орыс тілі де Қырғызстанда ресми тіл болып табылады. «Орталық Азиядағы 7 миллион халықтың 80 пайызға жуығы орыс тілінде сөйлейді және оны күнделікті өмірде қолданады», деп жазады басылым. «Қырғызстан қазірдің өзінде Ресейдің Украинаға жаппай агрессиясы басталғаннан кейін өзінің ұлттық бірегейлігін белсенді түрде нығайта бастаған аймақтағы посткеңестік кеңістіктегі бесінші ел болды», деп атап көрсетеді агенттік.
