Израиль Иран барлау қызметінің басшысы мен орынбасарын өлтірді
ТЕЛЬ-АВИВ. 15 маусым. Израиль басшылығы Иран барлау қызметінің басшысы мен оның орынбасары өлтірілгенін ресми түрде растады. Бұл туралы DW ақпарына сүйенген rast.kz хабарлайды.
Бұдан екі күн бұрын, 13 маусымға қараған түні Израиль әуе күштері Иранға соққы берді. Осыдан кейін Израиль басшылығы елде төтенше жағдай жариялап, өз әуе кеңістігін жапты. Иран бұдан кейін 100-ден астам ұшқышсыз ұшақтармен және зымыран соққыларымен жауап берді.
Израиль әскери-әуе күштері 13 маусымға қараған түні Ирандағы ондаған нысанаға соққы жасады. «Көтерілген арыстан» операциясы Иранның ядролық бағдарламасына қарсы бағытталды. Шабуылдардан Ислам республикасының жоғары лауазымды әскери шенеуніктері мен ядролық жетекші ғалымдары қаза тапты.
Иранның Израильге жасаған түнгі соққысынан 8 адам қаза тауып, 200-дей адам жараланды
Премьер-министр Биньямин Нетаньяху Израиль армиясының соққысынан Ислам революциясы сақшылар корпусы барлау ұйымының басшысы Мохаммад Каземи мен оның орынбасары Хасан Мохагегтің қаза тапқанын айтты. Кейін үйінді астынан генерал Мохаммад Каземи мен оның орынбасары табылған.
