Небензя: Батыс Киевті қолдап тұрғанда, РФ атысты тоқтатпайды
МӘСКЕУ. 31 мамыр. РФ-ның БҰҰ жанындағы тұрақты өкілі Василий Небензя Батыс елдері Украинаға көмек беруін қоймай, Ресейдің атысты тоқтатпайтынын мәлімдеді. Бұл туралы DW ақпарына сүйенген rast.kz хабарлайды.
«Принцип тұрғысынан келгенде», қазір Ресей атысты тоқтату режимін қалыптастыруға дайын, бірақ бұл үшін Украинадан келісім жүргізіліп жатқан кезде Батыс елдерінен көмек алуды тоқтатуды және елдегі әскерге шақыру науқанын кідірте тұруды талап етеді. РФ-ның БҰҰ жанындағы тұрақты өкілі Василий Небензя 30 мамыр, жұма күні Қауіпсіздік кеңесі ұйымының отырысында сөйлеген сөзінде осындай тезистер айтты.
РФ-ның БҰҰ-дағы өкілінің айтуынша, Ресей делегациясы 2 маусымда Ыстанбұлда атысты ықтимал тоқтату жөніндегі өз меморандумының үлгісін украин тарапына ұсынуға дайын екенін айтты. Небензия бұл құжатқа егжей-тегжейлі тоқталып жатпады, бірақ РФ-ны Киевтің қысқа мерзімді бітімгершілік кезінде әскери бөлімшелерін ауыстырып-түйістіруі мен «шығыс майданда қирап жатқан шептерін» түзетіп алуына мүмкіндік берілуі еш қанағаттандырмайды. Мәскеу өкілі сонымен бірге РФ-ның әуелі Украинамен ықтимал ұзақ мерзімді бейбітшіліктің «параметрлері мен шарттарын» талқылап, содан кейін ғана атысты тоқтату туралы келісімге келгісі келетінін баяндады.
Небензя сондай-ақ РФ мен Украинаның Ыстанбұлдағы келіссөзі бұл елдердің 2022 жыдғы кездесулерінің жалғасы болып саналуы тиіс екенін алға тартты. Ал РФ олардың кезінде Киевке көптеген талаптармен бірге, Украинаның ядросыз және блоктан тыс статусы сақтауды, елдегі әскери қызметкерлер санын қысқартуды, сондай-ақ сол мезетте РФ басқыншылары басып алып, аннексиялап үлгерген территорияларды мойындауды талап еткен еді. Украина бұдан кейін бірден мұндай мазмұндағы жаңа келіссөздер процесіне қатысудан үзілді-кесілді бас тартты.
Жалтырбас жалбақай БҰҰ Қауіпсіздік кеңесінде сөйлеген сөзінде сонымен қатар украин лидері Володимир Зеленськийді «мерзімі өтіп кеткен президент» деп қорлап, Германия канцлері Фридрих Мерцтің Украинамен бірлесіп алысқа атылатын қарулар жасау жөніндені соңғы мәлімдемесіне орай ГФР мемлекетіне қарата айбат шегіп, азу тісін ақситты. РФ-ның ресми өкілі сондай-ақ Ресейдің Украинадағы күштерінің «ұрыс қимылдарын қажет болғанынша арттыра түсуге қабілетті» екенін мәлімдеді.
Мұның алдында АҚШ президентінің Украина жөніндегі арнайы өкілі Кит Келлог Уашингтон меморандумның Ресей ұсынатын нұсқасын әлі алмағанын айтқан еді. Ресей диктаторы Владимир Путин АҚШ президенті Трамппен сұхбатында апта соғысын реттеу бойынша өз ұсыныстарын беруге уәде берген болатын, бірақ кешеге күнге дейін оны америкалықтар да, украиндар да алған жоқ. Сонымен бірге Трамптың арнайы өкілі Украина тарапының Уашингтонға жіберген меморандумын «өте орынды және жақсы» деп атады.
