USD
ТОКИО. 18 мамыр. Қазақстандық теннисші Зарина Диас Жапонияда кеше түнде мәреге жеткен ITF W50 санатындағы турнирде жеңіске жетті. Бұл туралы 1bol.kz ақпарына сүйенген rast.kz хабарлайды.
Ол бұған дейін ITF санатындағы бірнеше турнирді жеңген Зарина Диас екі жылдық үзілістен кейін алғаш рет чемпион атанды.
Жарақатына байланысты ұзақ уақыт теннистен қол үзіп, былтыр кортқа оралған Зарина Диас Жапониядағы ITF W50 санатындағы халықаралық беделді турнирдің жеңімпазы атанды.
Зарина финалда жапонның 27 жастағы қызы Аяно Шумицуды жеңді. Матч екі сетте аяқталды. Әлемдік рейтингте 318-ші орында тұрған отандасымыз 288-орындағы қарсыласынан 6:4, 6:3 есебімен басым түсті.
