USD
КИЕВ. 10 мамыр. Бүгін Украина байтағында «тілек білдірушілер коалициясы» деп аталатын шеңбердің кездесуі болады. Бұл туралы DW ақпарына сүйенген rast.kz хабарлайды.
«Тілек білдірушілер коалициясы» – Ресейдің Украинаға қарсы соғысына бітімгершілік контингентін беретін мемлекеттер. Олар алдымен екі ел арасында бейбітшілік жөнінде келіссөз жүруін қамтамасыз етумен, кейін өздерінің бітімгершілік әскерлерін украин жеріне жіберумен айналысады.
Киевте 10 мамыр күні осындай шара өткелі жатқанын Украина президенті Володимир Зеленський кеше Біріккен экспедициялық күштер ұйымына қатысушыларға арнаған үндеуінде баяндаған еді.
«Тілек білдірушілер коалициясы құрамында Германия, Ұлыбритания, Франция, Австралия, Бельгия, Болгария, Грекия, Дания, Ирландия, Исландия, Испания, Италия, Канада, Кипр, Латвия, Литва, Люксембург, Нидерланд, Норвегия, Польша, Португалия, Румыния, Словения, Түркия, Хорватия, Черногория, Чехия, Швеция, Финляндия, Эстония секілді 30 ел бар.
