Украина Қарулы күштері Курск облысына қайта басып кірді
МӘСКЕУ. 6 мамыр. Украина әскерлері жаңа әскери маневр жасап, Курск облысының жеріне қарай шепті жарып өтті. Бұл туралы Dialog.ua ақпарына сүйенген rast.kz хабарлайды.
Мұның дабылын алғашқылар болып Ресейдің әскери және Z-соғыс тілшілері қақты. Олар майдан даоасындағы ахуалдың күрт нашарлағанын мойындады. Украина Қарулы күштері өңірдегі Теткино селосында бекініп, бақылауды кеңейтіп, тылдан шабуылдауды бастап кетті, Курск облысы қайтадан отты нүктеге айналды.
Украина армиясы шынымен де Курск облысында жаңа маневрді қолға алды. Ресейдің әскери мәнбелері Теткино селосы аумағында жағдайдың кенет күрт нашарлағанын және Глушковский ауданындағы майдан шебі барған сайын осал болып бара жатқанын растады. «Украина Қарулы күштерінің шекара аймағындағы әрекеттері жергілікті диверсия емес, украин қолбасшылығы бір жарым айдан бері дайындап жатқан ауқымды операцияның бір бөлігі екенін көрсететін белгілер көбейіп барады», деп жазады ресейлік басылымдар.
Әскери сарапшы Ян Матвеевтің айтуынша, украин әскерлері Ресей шекарасын бұзып өтіп, Глушковский ауданына тереңдей ілгерілеп кеткен. Оның пікірінше, бұл Сумы аймағындағы қорғаныс стратегиясымен байланысты – соңғы апталарда ол жақта белсенді ұрыс күшейді.
