USD
АСТАНА. 2 мамыр. Қазақстанның орта мектептерінде 2025 жылғы оқу жылының қорытындысындағы соңғы қоңырау дәстүрлі мерзімінен ертерек соғылады. Бұл туралы Zakon.kz ақпарына сүйенген rast.kz хабарлайды.
Биыл соңғы қоңырау жылдағы дәстүрге сай 25 мамырда соғылмайды. Мұның жайын Білім министрлігінің ақпарат қызметі баяндады.
«Биылғы оқу жылының ресми аяқталуы жексенбі күнімен сәйкес келгендіктен, 11-сынып түлектері үшін салтанатты шара мектеп әкімшілігінің шешімімен 23-ші немесе 24-ші мамырда өткізіледі», – делінген ақпаратта.
Министрлік өткен жылдағыдай мектептің соңғы күні – 23 мамырда еліміздің барлық мектептерінде «Білімім – Отаныма» ұранымен Бірыңғай сынып сағаты өтетінін атап өтті.
«Сондай-ақ, барлық оқушылар үшін тең жағдай мен қауіпсіздікті қамтамасыз ету үшін мектеп форматынан тыс, сән-салтанатты іс-шаралар ұйымдастыру, ақша жинау, автокөлікпен шеруге шығу және басқа да мерекелеу түрлеріне жол берілмейтінін тағы да еске саламыз», – деп атап өтті ведомства өкілдері.
Дәстүр бойынша 34 аптаға созылған оқу жылы аяқталуға жақын. Оның қорытындысын республика бойынша 3,9 миллионнан астам мектеп оқушылары шығарады. 217 мыңнан астам он бірінші сынып оқушылары үшін бұл бітіру мектеппен символикалық қоштасу болмақшы.
