Трамп Украинаға әскери көмек көрсететіні жөнінде уәде берді
УАШИНГТОН. 21 желтоқсан. АҚШ-тың жаңа сайланған президенті Дональд Трамп Украинаға әскери көмек беруді жалғастыратынын мәлімдеді. Бұл туралы The Moscow News дерегіне сүйенген rast.kz хабарлайды.
Дональд Трамп Еуропа шенеуніктеріне Ақ үйге оралғаннан кейін Украинаға әскери көмек көрсету мәселесін қайта қарап, оны күшейтетінін жеткізді.
Financial Times оқиғадан құлағдар өз мәнбесіне сілтеме жасай отырып, АҚШ лидерінің бұл ниетін Еуропа шенеуніктерінің қуана қолдағанын атап көрсетті. Олар Украинаға қолдау көрсету Уашингтонның қатысынсыз жүруі мүмкін екеніне алаңдап жүрген көрінеді.
«Трамп өзінің принципті позициясын сақтайды, ол Украина НАТО-ға мүше болмауы тиіс деп есептейді, алайда соғысты қалайда тездетіп аяқтатуды қалайды», – деді басылым тілшісіне сайланған АҚШ президентінің жоспарларымен таныс британдық арнаулы қызметтің жоғары лауазымды өкілі. «Тпамптың пікірінше, соғыс тоқтағаннан кейін Киевке қару-жарақ жеткізіп беру оның бейбітшілікті қамтамасыз етіп тұруына мүмкіндік береді», – деді ол сосын.
Трамп командасы сондай-ақ Еуропадағы одақтастарына қорғаныс шығындарын айтарлықтай арттырудың қажеттігін білдірді. «Трамп НАТО елдерінен қорғанысқа бөлінетін қаржыны қазіргі кездегі ішкі жалпы өнімнің 2 пайызынан 5 пайызға дейін көтеруді талап етпек ниетте», – деп баяндады жоғарыдағы мәнбе. Ол бұған осы кезде альянстың 32 мүшесінің 23-і ғана 2 пайыздық міндеттемені орындап келе жатқанын қосты.
