Халықаралық қылмыстық сот Шойгу мен Герасимовты соттауға шешім етті
![](https://rast.kz/wp-content/uploads/shoigw-gerasimov1.jpg)
ГААГА. 26 маусым. Гаагадағы Халықаралық қылмыстық сот РФ-ның бұрынғы қорғаныс министрі Сергей Шойгу мен бас штаб бастығы Валерий Герасимовты қамауға алуға ордер берді. Бұл туралы The Moscow News ақпарына сүйенген rast.kz хабарлайды.
Халықаралық қылмыс сот (ХҚС) оларды Украинадағы азаматтық нысандарды қасақана, әдейілеп соққының астына алды деп айыптап отыр. Қабылданған қаулыға сәйкес, Шойгу мен Герасимов енді Украина жеріндегі азаматтық нысандарға соққы беру, азаматтық тұрғындарға шектен тыс залал келтіру, қылмысқа апарып соқтыратын бұйрықтар беру, өз қарамағындағы әскерлердің айуандық әрекеттерге баруларына жол беру сияқты бірқатар соғыс қылмыстарын жасағандары үшін жауап беретін болады. Ұйым мұның бәрін адамзатқа қарсы жасалған қылмысқа бағалайды.
«Күдікті екеуді Ресей қарулы күштерінің 2022 жылғы 10 қазаннан 2023 жылғы 9 наурызға дейінгі аралықта украин электр энергиясы инфрақұрылымдарына берген соққылары үшін жауапты деген ұйғарымға тоқталады», – деп атап өтті сот.
Істі қараушы сот құрамына төрағалық етуші судья Серхио Херардо Угальде Годинес, сондай-ақ судьялап Розарио Сальваторе Айтала мен Хайкель Бен Махфуд кірді.
Өткен жылдың наурыз айында сот Ресей президенті Владимир Путин мен балалар обмудсмені Мария Львова-Белованы қамауға алуға ордер берген еді. Оларға Украинаның РФ басқыншы армиясы уақытша басып алған территориясынае украин балаларын заңсыз депортация жасап, ішкері Ресейге алып кетті деген айып тағылды. Қылмысты оқиғалар 2022 жылдың 24 ақпарынан бері жасалып келді.