USD
БАНГКОК. 26 мамыр. Қазақстандық Мұхаммедсабыр Базарбайұлы бүгін Таиланд байтағында өзінің олимпиялық іріктеу турниріндегі жекпе-жектерін жеңіспен бастады. Бұл туралы Sportarena.kz ақпарына сүйенген rast.kz хабарлайды.
Қазақстан құрамасына 63,5 келіге дейінгі салмақтағы вакантты лицензияны алып беру үшін тай жеріндегі жарысқа келген қазақ былғары қолғап шебері филиппиндік Кристиан Питт Лаурентені тізе бүктірді.
Біздің жерлесіміз бүкіл шайқас бойына оның тізгінін өз қолында ұстады. Ол екінші раундта қарсыласын нокдаунға жіберді.
Мұхаммедсабырдың 1/8 финалдық іріктеу турниріндегі қарсыласы армян Нарек Ованисян мен түрік Мизан Айколдің бірі болғалы тұр.
Еске сала кетейік, кеше біздің 50 келіге дейінгі салмақта өнер көрсететін Назым Қызайбай командаластары арасынан бірінші болып рингке шығып, словак Николь Дурикованы екінші раундта техникалық нокаутпен ұтып шыққан болатын.
