USD
НЬЮ-ДЕЛИ. 8 мамыр. Үндістанда жергілікті тұрғындарды Украинадағы соғысқа РФ армиясы сапында соғысуға жалдамақ болып жүрген төрт адам қамауға алынды. Бұл туралы The Moscow News ақпарына сүйенген rast.kz хабарлайды.
Үндінің орталық тергеу бюросының X (бұрынғы Twitter) әлеуметтік желісінде жариялаған хабарламасында жергілікті тұрғындарды Ресейдің Украинаға қарсы соғысына алдап апармақшы болып жүрген төрт азамат қолға түскен.
Тергеудің мәліметінше, қаскөйлер үнді елінің бірнеше штатында болып, соғысуға ынталы ықтимал жалдамалыларды іздестірген. Олар әлеуметтік желілер мен жергілікті рекрутерлер арқылы «Ресейдегі жоғары айлықты жұмыстарға шақыру» тәсілі бойынша әрекет еткен. Олар жас жігіттерге Ресейдің жеке меншіктегі жоғары оқу орындарына түсіруге, сондай-ақ визаны тегін жалғастырып отыруға уәде берген. Ресейлік алаяқтар екі үндістандыққа Ресей армиясы сапындағы «көмекшілік» лауазымын ұсынған.
Ал осы ұсыныстарға келісіп, Ресейге келгендер бірден әскери дайындықтанг өтуге жіберіліп, артынан олардың еріктеріне тыс соғысқа аттандырып отырған.
Бұл схеманың Үндістандағы шешуші қатысушысы Тамиланд штатында тұратын Ниджил Джоби Бенсам деген азамат болып шықты. Бұған дейін ол Ресейде аудармашы болып істеген екен. Ресейге баратындардың визасы мен билеттерін Мумбия штатында тұратын Энтони Майкл Элагован реттеп отырған. Бұлардың екеуі де сәуірдің аяғында ұсталды.
Жедел қызмет өкілдері кеше, 7 мамыр күні Керала штатында Арун Норберт пен Йесудас Пряинды қолға түсірді. Олар желідегі негізгі рекрутерлер болған деп есептейді.
Тергеу оларға қатысты тексеру жұмыстарын жалғастырып жатыр.
Наурыздың басында үндінің CBI басылымы тек бір айда ғана Үндістанның 35 азаматы Ресей армиясына алдап алынғанын хабарлады. Олардың екеуі бара сала қаза тапса, бірнешеуі ауыр жарақаттар алып қалған.
Елдің сыртқы істер министрлігі үнділіктерді алдап апарып соғысқа салудығ әрбір оқиғасы Мәскеумен «шешімді түрде» талқыланып жатқанын мәлімдеді. Сыртқы істер ведомствосының табанды әрекеттері нәтижесінде қазір бірнеше үнділік РФ армиясы сапынан дереу шығарылып, отандарына қайтып оралған.
Украин ұлттық қарсылық орталығының мәліметінше, Ресей жалдамалыларды незінен Африка елдерінен, Сириядан, Непалдан, Кубадан, Үндістаннан іздестіріп келеді.
