USD
МӘСКЕУ. 13 наурыз. РФ диктаторы Владимир Путин қазіргі күндері Ресейдің ядроық соғысқа әзір екенін айтты. Бұл туралы The Moscow News ақпарына сүйенген rast.kz хабарлайды.
«Егер өз егемендігіне қауіп төнетін болса, Ресей ядролық соғысқа қатысуға да, ядролық қару қолдануға да техникалық жағынан дайын тұр», – деп баяндады Кремль көсемі.
«Әскери-техникалық тұрғыда біз, әрине, дайынбыз. Оны [ядролық күштерді] біз үнемі жауынгерлік дайындық сапында ұстаймыз», – деді Путин журналист сұрағына жауап беріп тұрып.
Ол тележүргізуші Дмитрий Киселевке берген сұхбатында қазірге дейін Украинаға ядролық қару қолданудың қажеттілігі тумағанын атап өтті. Жүргізушінің мұндай ниеттің бар-жоғын білуді нақтылағысы келген сауалына диктатор: «Жоқ, ол не үшін керек?» деп жауап берді.
Путин сонымен бірге егер Ресей мемлекетінің егемендігі мен тәуелсіздігіне қауіп төнетін болса, Ресейдің ядролық қаруды іске қосатынын да атап өтті. «Мұның бәрі біздің Стратегиямызда жазылған, біз оны өзгерткен жоқпыз», – деді ол.
Путин Ресейдің ядролық триадасы әлемдегі ең заманауи қару болып табылатынын атап өтті, ол сондай-ақ АҚШ-тың да өзінің ядролық күштерін дамытып келе жатқанын ауызға алды, егер олар ядролық сынақ жасаса, біз де жасаймыз дегенді айтты.
