Қытайда өтіп жатқан қысқы Спартакиадада қазақ қызы чемпион атанды
АЛТАЙ. 21 ақпан. Қытайдың Ішкі Моңғол автономиялық өлкесінің Ұланчаб қаласында өтіп жатқан XIV кезекті Ұлттық қысқы ойындарында қазақ қызы жеңіс тұғырынан көрінді. Бұл туралы kaz.inform.kz ақпарына сүйенген rast.kz хабарлайды.
«Жэньминь уаң» сайтының хабарлауынша, Баян Жалынқызы есімді қазақ қызы шаңғы жарысында бір алтын бір, қола медаль жеңіп алған.
Атап айтқанда, Баян әйелдер арасында қысқа қашықтықтағы командалық спринт бағдарламасында чемпион атанған. Бұл – Шыңжаң автономиялы ауданы командасының 2017 жылдан бері шаңғы спортынан алған алғашқы алтын медалі.
Баян мұның алдында 10 км еркін сырғанау бағдарламасында қола жүлде еншілеген екен.
Тағы бір айта кетерлігі, Жәйнат есімді тағы бір қазақ қызы ойындарда әйелдер арасында сноубордтан кедергілерді қуу бағдарламасында қола медаль жеңіп алыпты.
Баян Жалынқызы ҚХР Алтай аймағы, Жеменей ауданында туған. Ол шаңғы спорты түрлері бойынша Қытай ұлттық құрамасына қабылданып, Бейжің қысқы Олимпиадасында өнер көрсетті.
