USD
АСТАНА. 1 наурыз. Қазақстанның «Барыс» клубы Құрлықтық хоккей лигасының (ҚХЛ) сөрелік бірінші кездесуінде Магнитогорскінің «Металлургін» 4:0 есебімен ойсырата ұтты. Бұл туралы vesti.kz хабарлады.
Шығыс конференциясының 1/4 финалдық плей-оффының старттық матчы Астанадағы «Астана Аренада» ойналды.
Алаң иелері бірінші кезеңде, 14-минутта алға шықты. Шайбаны Никита Михайлистен пас алған Кертис Волк өз есебіне жазды. Елордалықтар екінші кезеңде, 29-минутта есепті ұлғайтты. Бұл жолы Финляндия құрамасының құрамында чемпион болған Атте Охтамаа швед Виктор Сведбергтен алған шайбасын алыстан ұрып, қақпаны дәл көздей білді.
«Барыс» үшінші кезеңде «магниткалық» Василий Кошечкиннің дарбазасына тағы екі шайба соқты. Алдымен 58-минутта ол қарсыластарының қақпашысыз ойнап жатқан кезін сәтті пайдалана білді. «Металлургке» бұл голды оның бұрынғы ойыншысы, фин шабуылшысы Ииро Пакаринен салды. Оған пасты Линус Виделл берді. Ал ақырғы нүктені Никита Михайлистен шайба қабылдап алған команда капитаны Даррен Диц қойды.
Гагарин Кубогы үшін ойындар сериясы жалғасады.
