USD
МӘСКЕУ. 23 қыркүйек. Астананың «Барысы» Мәскеуде жергілікті «Динамоны» тізе бүктіріп, сырт алаңдарда қатарынан екінші рет жеңіс тойын тойлады. Бұл туралы «Советский спорт» ақпарына сілтеме жасаған rast.kz хабарлайды.
Кездесу өткен түнде Мәскеудегі «ВТБ Аренада» 6 688 көрерменнің қатысуымен жалау көтерді.
«Барыс» 4:1 есебімен ұтты. Матчтың бірінші кезеңінде есеп ашылмады. Ал 22-минутта Гаррет Пилон қазақстандық команданы алға шығарды. 27-минутта Никита Коростелёв таразы басын теңестірді. Алты минуттан кейін Пилон дубль тіркеді. Үшінші кезеңде астаналықтар Джейк Масси пен Джастин Бейли есепті ұлғайтты. Бұдан бөлек, Масси өз есебіне 2 ассист жазды.
Астаналық клуб мұның алдында, 20 қыркүйекте Ярославльде Құрлықтық лиганың өткен 2025/2026 жылғы маусымдағы чемпионы «Локомотивпен» кездесіп, 5:0 етіп ұтып қайтқан еді.
«Барыс» осы екі жеңістен кейін 7 ойынның нәтижесі бойынша 10 ұпай жинап, Құрлықтық хоккей лигасының Шығыс конференциясында – үшінші, жалпы чемпионатта бесінші орынға көтерілді.
Мамандар қазақстандықтардың соңғы ойында 41 соққыға жолай тосқауыл қойып, Құрлықтық хоккей лигасының рекордын қайталағанын да айтып отыр. Бұған дейін, 2023/2024 жылғы маусымда «Амур» «Торпедомен» ойында осы рекордты тіркеген екен.
Тағы бір айта кететін жайт, қазір «Барыс» Лигада 31 шайбамен соғылған гол жөнінде де ешкімді алдына салмай келеді.
